InfoHub Logo

Mektepke deıingi bilim berý salasynda Sanıtarıalyq qaǵıdalar men normalarǵa jáne Qurylys normalary men qaǵıdalaryna ózgerister engiziledi, dep habarlaıdy QR Bilim jáne ǵylym mınıstrliginiń baspasóz qyzmeti.

QR BǴM tarapynan osyndaı sheshimniń qabyldanýyn Qazaqstannyń mektepke deıingi salasynyń kóptegen mekemeleri birneshe jyldan beri kútti. Óıtkeni «Balalardy mektepke deıingi tárbıeleý men oqytý obektilerine qoıylatyn sanıtarıalyq-epıdemıologıalyq talaptardyń» sanıtarıalyq erejeleri men «Mektepke deıingi bilim berý obektileriniń qurylys normalary men qaǵıdalarynyń» qurylys erejeleri qazirgi zaman talaptaryna jaýap bere almaıdy.

Sońǵy jyldary «Balapan» baǵdarlamasy sheńberinde elimizde memlekettik-jekemenshik áriptestik (MJÁ) damı tústi, kóptegen jekemenshik balabaqshalar, onyń ishinde kotejderde, turǵyn úılerdiń birinshi qabattarynda ashylǵan balabaqshalar tıptik úlgide bolmaǵanymen, balalardy mektepke deıingi oqytý men tárbıeleýdegi birqatar máselelerdi sheshýge septigin tıgizdi. Bul rette qoldanystaǵy sanıtarıalyq jáne qurylys normalary  talaptarynyń sáıkessizdigi mektepke deıingi uıymdar jelisin ári damytýǵa kedergi keltirdi.  

Mektepke deıingi uıymdardyń sanıtarıalyq jáne qurylys normalary men qaǵıdalaryn qaıta taldaý qajettiligi qoǵamda san márte kóterilip, osy másele boıynsha QR BǴM-ge kóptegen ótinishter kelip túsken bolatyn. Mınıstr Erlan Saǵadıevtiń tóraǵalyǵymen, QR BǴM Mektepke deıingi jáne orta bilim departamenti, Balalardyń quqyqtaryn qorǵaý komıtetiniń Balalardyń quqyqtary jáne Halyqaralyq yntymaqtastyq basqarmalary, QR Qurylys isteri komıtetiniń Jobalaý jumystary basqarmasy, QR UEM Tutynýshylardyń quqyqtaryn qorǵaý komıtetiniń Sanıtarıalyq-gıgıenalyq qadaǵalaý basqarmasy, «Mektepke deıingi balalyq shaq» respýblıkalyq ortalyǵy basshylarynyń, sondaı-aq mektep dırektorlary men mektepke deıingi uıymdar meńgerýshileriniń qatysýymen birqatar jumys komısıalarynyń keńesteri ótti.

Nátıjesinde mynadaı tolyqtyrýlar men ózgerister qabyldandy:

- uǵymdyq apparatqa «qýattylyǵy az ǵımarat», «yńǵaılastyrylǵan úı-jaı» (beıimdelgen úı-jaı) termınderin engizý;

- toptardy aǵymdaǵy jylǵy qyrkúıek pen kelesi jyldyń qyrkúıegi aralyǵynda jınaqtaýdy júzege asyrý;

- úsh jáne odan kóp kún qalǵan balalardy qandaı da bir aýrý belgileri anyqtalǵan jaǵdaıda pedıatr dárigerge jiberetin mektepke deıingi uıymnyń medısınalyq qyzmetkeriniń tekserip-qaraýynan keıin qabyldaý;

- kún rejımin mektepke deıingi uıymnyń ázirleýi, ata-analar komıtetimen kelisýi jáne ony mektepke deıingi uıym basshysynyń bekitýi;

-  mektepke deıingi uıymdardaǵy toptardyń tolymdylyq normalaryn boldyrmaý, mektepke deıingi uıymdardyń tolymdylyǵyn jobalyq qýattylyǵynan 20%-ǵa artyq qarastyrý;

- ǵımarat alańy, sharýashylyq aýmaq, ýchaske, jabdyq boıynsha normalardy, mektepke deıingi uıymdy jobalaý, salý, rekonstrýksıalaý, jóndeý, paıdalanýǵa berý, sýmen jabdyqtaý, kárizdendirý, jylytý, jaryqtandyrý, jeldetý, mıkroklımaty boıynsha talaptardy Sanıtarıalyq qaǵıdalar men normalardan alyp tastap, Qurylys normalary men qaǵıdalaryna engizý;

- tolyq kún bolmaıtyn mektepke deıingi uıymdar úshin bala tamaǵyn ózimen birge konteınerde ákelýdi, al tolyq kún bolatyndar úshin tamaqtandyrý uıymymen shartqa otyrýdy qarastyrý.

Talqylaý qorytyndysy boıynsha Sanıtarıalyq qaǵıdalar men normalarǵa jáne Qurylys normalary men qaǵıdalaryna engiziletin ózgerister men tolyqtyrýlar Qazaqstan Respýblıkasy Ulttyq ekonomıka mınıstrligine jiberiletin bolady.

---