Balabaqshaǵa barmaǵan balanyń orny saqtalady - Ashat Aımaǵambetov
Koronavırýsqa baılanysty balabaqshaǵa barmaǵan balanyń orny saqtalyp qalady. Bul týraly Ortalyq komýnıkasıalar ortalyǵynda ótken brıfıńte QR Bilim jáne ǵylym mınıstri Ashat Aımaǵambetov aıtty.
«Memleket basshysy Qasym-Jomart Kemeluly Toqaevtyń tótenshe jaǵdaı engizý týraly Jarlyǵynyń sheńberinde bilim jáne ǵylym salalarynda aldyn alý sharalary júrgizilýde. Munyń aldynda da osy týraly habarlama bergen bolatynbyz. Jalpy Bilim jáne ǵylym mınıstrliginiń Memleket basshysynyń tapsyrmasyn oryndaý maqsatynda tıisti, arnaıy buıryq qabyldandy. Buıryq boıynsha muǵalimderdiń, dırektorlarlyń jáne basqa da bilim salasy qyzmetkerleriniń isteıtin jumystary týraly biz qadam-qadam boıynsha jiktep, tapsyrmalar berdik», - deıdi Ashat Aımaǵambetov.
Ol osy salaǵa qatysty birqatar másele bar ekenin aıtty.
«Birinshiden, mektepke deıingi bilim berý mekemelerine qatysty másele. Balalaryn balabaqshaǵa aparý-aparmaý máselesin ata-analar ózderi sheshedi. Burynǵydaı bala balabaqshaǵa birneshe kún kelmese ornyn alyp qoıatyn normany alyp tastadyq. Koronavırýsqa baılanysty bala balabaqshaǵa birneshe kún kelmese de orny saqtalyp qalady. Bul máseleni osylaı sheshtik. Biz júrgizgen monıtorıń nátıjesi boıynsha, búgin - tótenshe jaǵdaıdyń birinshi kúni elimizdiń balabaqshalarǵa balalardyń 40%-y ǵana barǵan. Qalǵany úıde qalyp otyr. Múmkindik bolatyn bolsa, ata-analarǵa balalaryn úıde alyp qalýdy usynamyz», - deıdi ol.
You Might Also Like
-
Koronavırýsqa baılanysty mektep muǵalimderi kanıkýl kezinde úıde jumys isteı alady. Olarǵa jalaqylary tolyq tólenedi. Bul týraly QR Bilim jáne ǵylym mınıstri Ashat Aımaǵambetov aıtty.
-
Myń segiz júz toqsan besinshi jyldardyń mólsheri. Semeı oblysy, Sýyqbulaqta jalǵyz beket úıge kelip tústik. Biz júrginshimiz, jıyrma shaqty júk tıelgen shanamyz bar. Qystyń orta kezi edi. At shanalardy k...
