Muǵalimder úıde otyryp jumys isteıdi - mınıstr
Koronavırýsqa baılanysty mektep muǵalimderi kanıkýl kezinde úıde jumys isteı alady. Olarǵa jalaqylary tolyq tólenedi. Bul týraly QR Bilim jáne ǵylym mınıstri Ashat Aımaǵambetov aıtty.
«Memlekettik qosymsha bilim berý uıymdarynyń qyzmetin 16 naýryzdan bastap toqtattyq. Buǵan oqýshylar men jasóspirimder saraıy, mýzyka, kórkemsýret, óner mektepteri jáne taǵy da basqa bilim berý uıymdary jatady. Balalar bul uıymdarǵa búgin barǵan joq. Elimizde damytý ortalyqtary sıaqty jeke menshik uıymdar bar. Ol jeke menshik bolǵandyqtan bizdiń quzyrettiligimizde emes degenmen ata-analarǵa damytý ortalyqtaryna balalardy aparmaı, sál kúte turýǵa keńes beremiz», - deıdi Ashat Aımaǵambetov Ortalyq komýnıkasıalar ortalyǵynda ótken brıfıńte.
Ol oqýshylar qansha ýaqyt demalatyny týraly aıtty.
«16 naýryzdan 5 sáýirge deıin oqýshylar kóktemgi demalysta bolady. Osy ýaqyt aralyǵynda mektep muǵalimderi qashyqtyqtan jumys isteıtin bolady. Osyndaı ýaqytta muǵalimder mektepte bolyp, sabaqqa daıyndyq jumystaryn, ádistemelik jumystaryn júrgizetin. Qazirgi jaǵdaıǵa baılanysty biz tıisti sheshim qabyldap, ony barlyq dırektorlarǵa jiberdik. Sheshimge sáıkes, mektep muǵalimderi daıyndyq jumystaryn úılerinde otyryp júrgizýlerine bolady jáne jalaqylary tolyq tólenedi», - deıdi ol.
You Might Also Like
-
Qashan da áńgimeni túrlendirý úshin batyrdan ne sheshennen: «Siz ómirińizde neshe márte aýyr synǵa tústińiz, neshe ret jeńildińiz, qansha ret súrindińiz?» degen sıaqty saýaldar qoıylady ǵoı. M...
-
Koronavırýsqa baılanysty balabaqshaǵa barmaǵan balanyń orny saqtalyp qalady. Bul týraly Ortalyq komýnıkasıalar ortalyǵynda ótken brıfıńte QR Bilim jáne ǵylym mınıstri Ashat Aımaǵambetov aıtty.
