InfoHub Logo

Shyr etip dúnıe esigin asha salysymen jalǵyz qalǵan «tul jetimderdin», ata – anasynyń qamqorlyǵy men meıiriminen, ystyq qushaǵynan jat qalǵan «tastandylardyń», túrli sebepterge, syltaýlarǵa baılanysty tiri turǵan áke – sheshesinen aıyrylǵan búldirshinderdiń taǵdyry kóńilge qaıaý salady. Qarshadaı kezderinen taǵdyrdyń tálkegineushyraǵan osyndaı balalardyń bolashaǵy kózge eriksiz jas úıirip, jandy jegideı jeıdi. Oǵan ózimiz kúndelikti kýá bolyp júrmiz. Deı turǵanmen qalamyzdyń ár mekemeleri, mektep oqýshylary, stýdentteri baspanamyzǵa kelip tárbıelenýshilerimizdi meıirimdilikke baýlyı otyryp ár túrli oıyndar, qol óner sabaqtar, saıystar ótkizip jáne de balalarǵa arnalǵan túrli syılyqtar syılap, ıgi is – sharalar uıymdastyryp otyrady. Aıta ketsek, pedagogıkalyq ınstıtýtynyń stýdentteriniń uıymdastyrýymen «Jan shýaǵy» atty qaıyrymdylyq án keshine baspanamyzdyń tárbıelenýshileri baryp qaıtty. Balalardyń bul án keshten alǵan áserleri erekshe edi, kóńil – kúıleri kóterińki, júzderi jaınap, osy tusta árbir bala baqytty bolýǵa laıyq ekenin baıqaısyn. Bul balalar da meıirim men júrek jylýyna muqtaj jandar. Iaǵnı,súıispenshilik te ózimizden bastaý alady jáne óz – ózińdi  qaıyrymdylyqqa bursań, bir nátıjesi bolary anyq. «Bala – kóńildiń gúli, kózdiń nury» deıtin halqymyz osy bir sózdiń mán – maǵynasyn, astaryn umytpasa eken deımin.

 

Móldir Kenjeǵulova
Arqalyq balalar men
jasóspirimder baspanasynyń
Áleýmettik pedagog-psıhology

---