Balalardy mektepke deıingi bilimmen qamtý 82,7 paıyzdy quraıdy
Bıyl 1371 mektepke deıingi uıym kúrdeli jáne aǵymdaǵy jóndeý jumystaryn talap etedi. Bul týraly búgin Ortalyq komýnıkasıalar qyzmetindegi baspasóz qyzmetinde Bilim jáne ǵylym vıse-mınıstri Elmıra Sýhanberdıeva málim etti.
«Búginde elimide 9 297 mektepke deıingi uıymǵa 817,8 myń bala barady. Bıyl 538 mektepke deıingi uıym ashylyp, onyń ishinde 49 balabaqsha iske qosyldy. Jyl sońyna deıin 82 nysan, onyń ishinde Ulttyq qor esebinen 11 balabaqsha ashý josparlanyp otyr. nátıjesinde 3-6 jastaǵy balalardy mektepke deıingi bilimmen qamtý 82,7 paıyzdy quraıdy»,-dedi ol.
Onyń sózine qaraǵanda, bıyl 1371 mektepke deıingi uıym kúrdeli jáne aǵymdaǵy jóndeý jumystaryn talap etedi. Onyń ishinde 1113 nysanǵa jóndeý júrgizýge qarjy qarastyrylǵan.
QR BǴM málimetine qaraǵanda, búginde 1056 ǵımaratta jóndeý jumystary aıaqtaldy. Osy rette Aqtóbe oblysynda jóndeý jumystarynyń ýaqytynda aıaqtalý merziminiń buzylýy qaýpi baıqalýda. Óńirde 219 uıymnyń 118-inde jóndeý sharalary júrgizilgen kórinedi.
You Might Also Like
-
Jaz kezinde kúrdeli jóndeý 373 mektepte júrgizildi. Bul týraly búgin Ortalyq komýnıkasıalar qyzmetindegi baspasóz qyzmetinde Bilim jáne ǵylym vıse-mınıstri Elmıra Sýhanberdıeva málim etti.
