Bıyl mektep tabaldyryǵyn alǵash attaıtyn búldirshinder sany 370 myńǵa jetti
Jańa oqý jylynda birinshi synypqa 370 myń oqýshy barady. Bul týraly búgin Ortalyq komýnıkasıalar qyzmetindegi baspasóz qyzmetinde Bilim jáne ǵylym vıse-mınıstri Elmıra Sýhanberdıeva málim etti.
«Bıyl Qazaqstan mektepterine 2,8 mıllıonnan astam oqýshy barady, sonymen qatar mektep tabaldyryǵyn alǵash attaıtyn búldirshinder sany 370 myńǵa jýyq. Jergilikti atqarý organdarynyń aqparatyna súıensek, jańa oqý jylynda jumys isteıtin mektepter sany 7 126-ny quraıdy. Aǵymdaǵy jyly 92 mektepti paıdalanýǵa berý josparlansa, 1 qyrkúıekke deıin 60 nysan tapsyrylady, al 2016 jyldyń sońyna deıin 32 mekteptiń qurylysy aıaqtalady», - dedi vıse-mınıstr.
Onyń sózine qaraǵanda, bıyl paıdalanýǵa beriletin 92 nysannyń ishinde 31-i úsh aýysymdy mektepter problemasyn sheshýge, 29-y apatty nysandardy almastyrýǵa jáne 14 mektep oqýshy oryndarynyń tapshylyǵyn qysqartýǵa negizdelgen. Sonymen qatar 13 mektep laıyqtalǵan ǵımarattardy almastyrýǵa, taǵy beseýi mektepteri joq eldi mekenderde salynýda.
You Might Also Like
-
Mektepte smartfonǵa tyıym salý máselesin ata-analarmen birge talqylaý kerek. Bul týraly búgin Ortalyq komýnıkasıalar qyzmetindegi baspasóz qyzmetinde Bilim jáne ǵylym vıse-mınıstri Elmıra Sýhanbe...
