InfoHub Logo

Balalardy qorǵaý kúnine arnalǵan mýzykalyq is - shara
«Aıaly alaqan» ortalyǵynyń til damytý mamany
Taqyryby: « Ólkeniń gúl jaınaǵan balǵyndary»

Maqsaty: balalardyń jeke qasıetterin damytý, taqpaq, óleń, ánderdi naqyshyna keltire aıtýdy úıretý. Bir - birin syılaýǵa, adamgershilik qasıetterin joǵaltpaı ustaýǵa jeteleý.
Kórnekiligi: naqyl sózder, túrli - tústi sharlar, slaıd «Bala degen bir baqyt»
Ótilý barysy: ádebı – mýzykalyq montaj
Júrgizýshi: Armysyńdar balalar, barmysyńdar,
Jaz da keldi, jaınaǵan gúldi shyńdar
Aldymenen alaıyq amandasyp,
Armysyńdar báriń de, armysyńdar!

Júrgizýshi: Sálemetsizder me, merekege jınalǵan qonaqtar,
ata - analar, balalar!
Barshamyzdy bala tilmen baýraıtyn,
Bala degen bir baqyt qoı samǵaıtyn
Ata - ananyń armany men tilegin,
Bala emes pe bal bulaqtan jalǵaıtyn
Súıkimdi perishteler sendersiń
Qandaı beıne ózderińe teń kelsin!
Danyshpan da, ǵaryshker de, ǵalym da,
Eń aldymen balalyqty meńgersin.

1 - Maýsym 1950 jyldan bastap Halyqaralyq balalardy qorǵaý kúni bolyp keledi. Búgin biz osy merekeni atap ótpekshimiz. Atalǵan merekemen bizdi quttyqtaı kelgen qonaqtarymyzben tanystyryp óteıin.
Jezqazǵan qalalyq jumyspen qamtý jáne áleýmettik baǵdarlamalar bóliminiń bastyǵy Myrzahanov Baǵlan Myrzahanovıch.
Quttyqtaý sóz kezegi
Án « Ertegiler áleminde» oryndaıtyn Aıgúl.
Saıqymazaqtardyń kelýi
Bul ne mereke? Neni toılap jatyrsyńdar? Bizge nege aıtpadyńdar, a? Bizsiz eshqandaı mereke bolmaıdy?
Júrgizýshi: Toqta, toqta, sender kimsińder ózi bizdiń merekeni buzatyn? Búgin úlken mereke, biz ony toılaımyz, eshkim kedergi bola almaıdy! Bizben birge toılaımyz deseńder, onda tártip saqtańdar.
Balalar, saıqymazaqtardy qaldyramyz ba? Qaldyramyz.

Júrgizýshi: Aqyldy balapan búgingi,
Kórkeıter kúnińdi erteńgi,
Úırengen ónerin kórsetsin
Búldirshin balalar belsendi.
Endigi kezekti ortalyqtyń búldirshinderine bereıik.

Taqpaqtar:
Aqsultan Bala, bala, balamyz
Baqshamyzǵa baramyz
Kúni – boıy qyzyqqa
Batamyz da qalamyz.
Dılnaz: Men gúlderdi julmaımyn
Torǵaılardy qýmaımyn
Aıtqan sózdi tyńdaımyn
Apashymdy syılaımyn
Kaýsar: Kójegim turshy
Betińdi jýshy,
Aınaǵa qarashy,
Shashyńdy tarashy.
Farıza: Alma syılap bóbekke
Alma aǵashtar sarǵaıǵan
Tógilgen ter shelektep
Kórinedi mańdaıdan.

Júrgizýshi: Iá, ras, bala bolǵan bári de,
Salǵan olar balalyqtyń ánin de.
Bala kezin eske alyp otyrsaq,
Sol emes pe tirshiliktiń máni de! - deı kele qurmetti ata – analar balalyq shaǵymyzdy eske ala otyryp, saıqymazaqtardyń bizge ala kelgen oıynyn oınaıyq.

Oıyn: «Tıyn tastamaq»
Munda berilgen saýaldarǵa jaýap bere otyryp, balalaryńyzdy tanystyryp beresizder.
Durys, ata - analar bir sát bolsa da bala bolyp, ótkenge kóz júgirtip balalyqty meńgerdik desek te bolady.
Bı «Aıgólek»

Júrgizýshi: Kók jıekten kúlimdep,
Maýsymnyń tańy atty
Tura qoıshy kúnim – dep,
Anań seni oıatty –
Danalardyń tilegi,
Balalardyń tilegi
Aýyrmasyn eshqashan
Analardyń júregi.
Án «Bala tilegi» oryndaıtyn Aıgúl
Júrgizýshi: Osymen «Ólkeniń gúl jaınaǵan balǵyndary» atty merekelik is - sharamyz aıaqtaldy.

Qaraǵandy oblysy, Jezqazǵan qalasy
"№21 jalpy bilim beretin orta mektebi" KMM
bastaýysh synyp muǵalimi
Saýytbaeva Gúlmıra Serikbaıqyzy