InfoHub Logo

Maqsaty : balalardyń shyǵarmashylyq qabiletterin damytý;
balalarǵa estetıkalyq tárbıe berý;
mektepke deıingi jastaǵy balalardyń mýzykalyq mádenıetin qalyptastyrý;
bala men ata - ana arasyndaǵy qarym - qatynasty jaqsartý;
balalardyń merekelik kóńil - kúılerin qalyptastyrý.
Kórnekilikter: sharlar; gúlder; kámpıtterden jasalǵan súrprız;
súrprız - oıynshyqtar, sıqyrly sandyq.
/Mýzyka «Balanyń kúlkisi» oınalady/.

Júrgizýshi: Qurmetti balalar, ata - analar, qonaqtar!
«Balalardyń kúlkisi - kórki, sáni álemniń» atty merekelik oıyn - saýyqty bastaýǵa ruqsat etińizder.
/Mýzyka «Jazǵy tabıǵattyń daýystary»oınalady/
Ótý barysy:
Jaz: Jazdy kúni shilde de,
Jemis pisip tolady.
Qyzyl, jasyl gúlderge,
Kóbelekter qonady.
Sálemetsizderme, meniń dostarym!
Balalar, tyńdańdarshy? Bul qandaı dybystar? Qaı jyl mezgiliniń daýystary? /Mýzyka «Jazǵy tabıǵattyń daýystary»
oınalady/
Balalar: Jaz mezgili.
Jaz: Durys, balalar. Sizder qandaı zerek balalarsyńdar!
Men sizdermen tanysqanyma qýanyshtymyn!
Sizder, qalaı ósip, úlken bolǵansyńdar?
Sizder, meni, tanydyńdar ma?
Balalar: Seniń atyń – Jaz.
Jaz: Jaz kelgenine, qandaı jaqsy boldy! Balalar kanıkýlǵa shyqty! Búgin, jazdyń birinshi kúni, sondyqtan,
men sizderge qonaqqa keldim! Káne, tanysaıyq! Meniń atym – Jaz,
al sizderdiń attaryń?
/Balalar óz attaryn ataıdy/ Tura turyńdar, tura turyńdar! Men bárińizdiń attaryńyzdy, este saqtaı almaımyn. Men qazir sizdermen birge «Atyńdy ata»degen oıyn oınaımyn, «Qyzdar» degende, qyzdar ózderińizdiń attaryńyzdy atańdar, al «Uldar» degende, uldar ózderińizdiń attaryńyzdy atańdar, jaraıdy ma?
/Jaz balalarmen «Atyńdy ata» degen oıyn oınaıdy./
/Kóńildi mýzyka oınalady/.
Jaz: Balalar, tyńdańyzdar, bireý, bizge esik qaǵyp kelip turǵan sıaqty?
/Esik qaǵylady, Mereke hanshaıymy keledi./
Jaz: Balalar, sizder, tanydyńdar ma?
/Balalar «Joq»degen jaýap qaıtarady./
Jaz: Balalar, bul Mereke hanshaıymy eken, búgin jazdyń birinshi kúni meıram kúni ǵoı, soǵan sonaý alys jol júrip, sizderge kóptegen syılyqtar, tátti kámpıtter, oıyn - saýyqtar ákelip sizderge qýanysh, shattyq syılaý úshin kelipti. Qane, balalar, qolymyzdy soǵyp, qarsy alaıyq!
/Balalar jáne Jaz qoldaryn soǵyp, Mereke hanshaıymyn qarsy alady, onyń qasynda kómekshileri bolady./
Mereke hanshaıymy: Sálematsyzdar ma, balalar, ata - analar,
qonaqtar! Búgin 1 maýsym - Balalardy qorǵaý kúni, búgin mereke,
sondyqtan, men sizderge osy merekeni jaqsy ótkizýge keldim! Qane,
balalar, búgin osy sizderdiń merekelerińizdi jaqsy ótkizemiz be?
Balalar: Ia.
Mereke hanshaıymy: Balalar, búgin 1 maýsym kúni óte ádemi, jarqyn meıramnyń biri, sondyqtan men sizdermen birge birinshi tanysqym kelip tur.
Meniń atym - Mereke hanshaıymy, al senderdiń she? /Balalar ózderiniń attaryn ataıdy/. Tura turyńdar, tura turyńdar, men bulaı senderdi tanı almaımyn - ǵoı, odanda mynandaı oıyn oınaıyq.
Mereke hanshaıymy «Qane, tanysaıyq» oıynyn oınaıdy.
Oıyn «Qane, tanysaıyq».
Mereke hanshaıymy neshe túrli attardy ataıdy. Sol ataǵan attary tap bolsa, balalar ózderiniń qoldaryn kóteredi, Mereke hanshaıymy kishkentaı syılyqtar beredi. Al tabylmaı qalǵan atqa úlken syılyq beredi.
Mereke Hanshaıymy: Balalar, sender «Shrek» múltfılmin kórgen bolarsyńdar?
Balalar: Ia, kórdik.
Mereke hanshaıymy: Onda, senderge jumbaq jasyraıyn, Shrektiń dosyn bilesińder me?
Balalar: Fıona.
/ «Shrek» múltfılminen mýzyka oınalady/
Mereke hanshaıymy: Jaraısyńdar, onda osy múltfılmniń keıipkeri Fıonany qarsy alaıyq! Ol da bizdiń búgingi meıramǵa qonaqqa keldi. Ol sendermen birge bıleýge keldi.
Fıona: Sálemetsizder me, balalar!
/Fıona, balalardy, ata - analardy turǵyzyp bı bıletedi. Jaz ben Mereke hanshaıymy birge qosylady./
Jaz: Eń jaqsy bılegenderge syılyq bar.
Bı: «Ýtáta». / «Tanes malenkıh ýtát» mýzykasy oınalady/
Jaz jaqsy bılegenderge syılyq beredi
Mereke hanshaıymy: Mine, balalar, bizder sendermen birge tanystyq,
bıledik, endi men senderdiń ónerlerińdi kórgim kelip tur.
Qane, balalar, maǵan ónerlerińdi kórsetesińder me?
Balalar: Ia, kórsetemiz.
/Osy jerde balalar taqpaqtaryn aıtyp, ónerlerin kórsetip mereke hanshaıymyn tańqaldyrady./
Balalar taqpaqtar aıtady:
Beksultan: Dos bolaıyq bárimiz,
Jarasyp tur ánimiz.
Taná: Baqytty bolyp ósemiz,
Án salamyz biz búgin.
Aıkórkem: Otan bizdiń anamyz,
Álpeshtep ósirgen,
Ómir nárin alamyz,
Onyń nurly tósinen.
Temirlan: Án kómeıden quıyldy
Qaıǵy bulty shegildi,
Balalarmen dúnıe,
Kórikti de kóńildi.
Nuraına: Júredi olar arman bop,
Turady olar marjan bop,
Balalary baqytty,
Analarda arman joq.
Saıda: Biz baldyrǵan teń basqan,
Dos qushaǵyn keń ashqan,
Tilegimiz beıbit kún,
Ashyq bolsyn keń aspan.
Nurmuhammed: Bala baqsham balpaǵym,
Kúlip oınap qaıtamyn,
Án salyp, bı bılep,
Taqpaqty da aıtamyn.
Asan: Sary, aqpyz, qaramyz.
Bárimizde balamyz.
Bir aýylda turamyz.
Bir baqshaǵa baramyz.
Ratmır: Balalar kúninde
Baqshamyzǵa baraıyq,
Bárimiz de kúlimdep
Ánimizdi salaıyq.
Maǵjan: Án salaıyq qosylyp,
Sábılerdiń bul kúni,
Maqtap ketsin osy jurt,
Balalar dep úlgili.
Mereke hanshaıymy: Qandaı ónerli balalarsyńdar, jaraısyńdar!
Endi men sendermen jáne sizderdiń ata - analaryńyzben baıqaý ótkizgim kelip tur. Bul baıqaýdyń aty «Balabaqshaǵa jınalý». Esterińizge túsirińiz, ata - ana tańerteń jumysqa asyǵyp balany balabaqshaǵa kıindire bastaıdy. Osy oıynda sony kórsetý kerek. Bul oıynda eptilik, jyldamdyq jáne uqyptylyq qajet. Kim balasyn durys jáne jyldam kıindiredi, sol syılyq alady.
1 mınýt ýaqyt beriledi./Mýzyka, balanyń jylaǵan daýysy oınalady/
Baıqaý «Balabaqshaǵa jınalý»:
Ortaǵa 4 ata - ana men olardyń balalary shyǵady, ata - ana balasyn jyldam jáne durys kıindirý kerek. Kim jyldam kıindirip bolady, soǵan syılyq tabystaıdy.
Bul oıyndy eki ret oınatady.
Mereke hanshaıymy: Jaraısyńdar, qandaı keremet oıyn.
Al, endi taǵy da, bıleıikshi Fıonamen birge.
Bı úzilisi: Fıona, Jaz, Mereke hanshaıymy ortaǵa shyǵyp ata - analardy, balalardy «Poezd» bıin bıletedi. Búkil alańda júrip bir – biriniń artynan ustap, «Poezd» sıaqty júrip bıleıdi.
/ «Pýstbegýt neýklúje» ánine bıleıdi/.
Mereke hanshaıymy: Men, baıqaımyn, bizdiń aramyzda óte ádemi bantıkter taqqan qyzdar kóp, qane mynda kelińdershi, men sendermen jáne ata - analaryńmen birge eki oıyn ótkizeıin. Kim sol oıynda jeńedi, soǵan syılyq beriledi.
1- oıyn. Mereke hanshaıymy «Túıinshekti shesh» oıynyn oınatady:
Oıynnyń sharty: Oıynǵa 6 ata - ana qyzdarymen qatysady. Ázir turǵan túıinshektelgen bantıkterdi jyldam sheshý.
1 mınýt ýaqyt beriledi./Mýzyka oınalady/
2- oıyn. «Syılyqty áshekeıle»:
Oıynnyń sharty: Ázir turǵan kitapty bantıkpen áshekeıleý. 1 mınýt ýaqyt beriledi. Kim jyldam áshekeıleıdi, soǵan syılyq beriledi.
/Mýzyka oınalady/
Mereke hanshaıymy: Jaraısyńdar, ata - analar!
/Mereke hanshaıymy jeńgen ata - analarǵa syılyqtar tabys etedi./
Mereke hanshaıymy: Balalar, endi bárimiz kózderimizdi jumyp,
elesteteıikshi, Ertegiler álemin. Elestettińder me?
Balalar: Ia.
Mereke hanshaıymy: Al, endi, Ertegiler álemi, bizge kelý úshin sıqyrly sózdi aıtý kerek: birinshi jaılap, sosyn qatty, sodan soń odan da qattyraq, daýystap «Ertegi» degen sózdi.
/Mereke hanshaıymy balalarmen birge «Ertegi» sózin aıtqyzǵanda, «Ertegi»keledi./
Ertegi: Sálemetsizder me, balalar! Meni shaqyrdyńdar ma, men keldim!
Sender, qandaı, ádemisińder, baqyttysyńdar, kóńildisińder jáne de zereksińder! Solaı ma, balalar?
Mereke hanshaıymy: Biz seni kórgenimizge qýanyshtymyz, Ertegi! Eresek adamdarda, balalarda ertegilerdi jaqsy kóredi, ony tyńdaıdy, jáne solarmen birge ósedi, sodan soń ózderiniń balalaryna aıtady.
Ertegi: Endi balalar, men sizderdiń ata - analarymen oıyndar oınaımyn, kim jeńedi, solarǵa medaldar beremin.
Ertegi, ata - analardy ortaǵa shaqyryp oıyn uıymdastyrady.

1-oıyn. «Soqyr men aqsaq».
Oıynnyń sharty: Oıynǵa ata - analar qatysady. Oıynshylar eki topqa bólinedi. Ár topta 4 adamnan bolady. Oıynshylar eki - ekiden bólinedi, Bir oıynshyǵa kózi baılanady, al ekinshi oıynshy aıaǵyn tizesinen búgip, kózi baılanǵan oıynshyny ustaıdy da mejege jyldam jetedi, mejeni aınalyp, qaıtadan ekinshi eki kisige estafetany beredi./Mýzyka oınalady/

2- oıyn. «Saıahatshy baqa».
Oıynnyń sharty: Oıynǵa úsh ata - ana qatysady. Kórnekilik – taıaq. Eki kúshi kóp oıynshy taıaqty ıyǵyna salady, úshinshi oıynshy sol taıaqqa artylyp, aıaǵyn jerge tıgizbeı, úsheýide mejege jetý kerek. Mejege jetken soń, ortasyndaǵy «baqa»qalyp qoıady da, al eki úırek qaıtadan júgirip, ekinshi ret basqa «baqany» ilip ákeledi. Sóıtip búkil top mejege jetý kerek./Mýzyka oınalady/

3- oıyn. «Jalmaýyz kempir».
Oıynnyń sharty: Oıynshy bir aıaǵyn shelekke salyp, shelekti bir qolymen ustaıdy, al ekinshi qolymen shvabra ustaıdy, osylaı mejeni aınalyp kelý kerek. Sodan soń kelesi oıynshy jalǵastyrady./Mýzyka oınalady/
Mereke hanshaıymy: Oı, jaraısyńdar, ata - analar!/Jeńiske jetken ata - analarǵa medaldar tabystaıdy./
Mereke hanshaıymy: Búgin, senderge quttyqtaýǵa qonaqtar keldi.
/Quttyqtaý sóz balabaqsha meńgerýshisine, aýyl ákimine, mektep dırektoryna, Mádenıet úıiniń dırektory, ata - analar komıtetine beriledi./
Mereke hanshaıymy: Balalar, mine búgingi merekemizde bite keldi, maǵan da ketý kerek, men sendermen qoshtasqym kelip tur. Biraqta,
qoshtaspas buryn men senderge ákelgen sıqyrly sandyǵymnan syılyqtardy tabys etemin. Qabyl alyńdar!
/Mereke hanshaıymy sıqyrly sandyǵynan alyp ádemi kámpıtterden jasalǵan súrprızdi alyp shyǵyp Fıona ekeýi kámpıtterdi úlestiredi jáne de osy ýaqytta Jaz kelip bylaı deıdi/./Mýzyka oınalyp turady/
Jaz: Balalar, búgin meıram bolǵasyn, men de senderge tátti syılyq ákeldim.
/Jaz balalarǵa tátti tort úlestiredi/.
Mereke hanshaıymy: Qosh bolyńdar, balalar!- dep, balalarǵa sharlar úlestirip ketedi.
Jaz jáne Ertegi: Al, bizder balalar sendermen qoshtaspaımyz, bizder áli sizdermen kezdesemiz, jaz boıy sendermen bolamyz. Kóriskenshe!
Júrgizýshi: Osymen búgingi merekelik oıyn - saýyq aıaqtala keldi. Qosh saý bolyńyzdar!