InfoHub Logo

Maqsaty: Qazirgi zaman tárbıeshisiniń áleýmettik - psıhologıalyq mádenıetin jetildirý.
Tárbıeshilerdiń pedagogıkalyq refleksıasyn damytý. Shyǵarmashylyqqa ártistikke,
bastamashyldyqqa yntasyn damytý. Ózin ózi tanýǵa, pedagogıkalyq izdenimpazdyqqa qyzyǵýshylyǵyn tárbıeleý. Balabaqshadaǵy ádistemelik jumystyń perspektıvasyn
anyqtaý.

Qatysýshylar: tárbıeshiler.
Ótkizý jospary:
1. Júrgizýshi taǵaıyndalady.
2. Tapsyrmalar ázirlenedi.

Aldyn - ala júrgiziletin jumys:
1. Oıynnyń senarı – josparyn qurý.
2. Tárbıeshilerdiń psıhologo - pedagogıkalyq ádebıetterimen tanysýy.
3. Pedagogıkalyq jaǵdaıattar, anketalar, rebýstar, krosvordtar qurý, mátinderdi jınaqtaý.
4. Tárbıeshilerdiń kásibı sheberlikterin jáne qasıetterin damytýǵa jáne anyqtaýǵa arnalǵan jattyǵýlardy jınaqtaý.
5. Oıynnyń ótý orny, ýaqyty jáne jaýaptylar belgilenedi.

Oıynnyń ótý barysy:

1. Júrgizýshiniń kirispe sózi: oıynnyń taqyrybyn, sharttaryn jáne ádilqazylar alqasyn jarıalaıdy.
2. Tárbıeshilermen ekspress – ıntervú «Siz qalaı oılaısyz, bala «tárbıeshi» degen sózdi nemen baılanystyrady?»

№ 1 Tapsyrma:
«Sózjumbaqty shesh» Taqyryby: «Standartty bilesiń be?»
/ Ár tárbıeshi standart týraly jasyrylǵan sózjumbaǵy bar konvertterdi ala otyryp sheshedi/

№ 2 Tapsyrma:
«Geometrıalyq pishinderden quraq quraý».
/Ár tárbıeshi geometrıalyq pishinderden quraq quraıdy. Quraq qurylǵanda bala tárbıesine qatysty tómendegi naqyl sózder qurylady./

3. «Tárbıeshi qandaı bolý kerek?» pikirtalas.

№ 3 Tapsyrma: «Tárbıeshiniń mánerlep sóıleýin jáne oqýyn damytý» / Taqtaǵa tómendegi
tapsyrmalar ilinedi:
a/ «Mynda kel» degen sózdi jaı, daýystap, qatal daýyspen aıtý.
b/ «Jaraısyń» degen sózdi jaı, daýystap, názik, rıza bolyp, mysqyldap, qýanyshpen, ǵashyq bolyp aıtý.
v/ Tárbıeshilerdiń jalpy ymdaý reaksıasyn anyqtaý./myna tapsyrma tárbıeshilerdiń
birdeı oryndaýymen ótedi/
Tárbıeshiler birin biri kórmeıtindeı otyrady. Júrgizýshi tómendegideı pedagogıkalyq jaǵdaıatty oqıdy:
«Oqý is - áreket bastalyp ketti. Siz balalarǵa taqyrypty túsindirip jatyrsyz. Esik ashylyp, topqa eń «tentek» bala kiredi»

- Siz oǵan qatal: «Otyr jyldam»
- Tańǵalyp: «Kútken joqpyz»
- Jaratpaı: «Sen meni taǵy da alańdattyń»
- Surap: «Taǵy da birdeńe boldy ma?»
- Sógip: «Sen bala maǵan jumys jasaýǵa múmkindik bermeısiń»
- Qýanyp: «Aqyry keldiń be?»

№4 Tapsyrma: «Ózińdi tekser»
/Este saqtaý qabiletin damytý/
Tárbıeshilerge shaǵyn metagrammany sheshý usynylady, sol ýaqytta júrgizýshi qysqa bir
ertegi oqıdy.
Tapsyrmany oryndaǵan soń, tárbıeshige tapsyrmanyń jaýabyn jáne sol ýaqytta oqyǵan áńgimeniń mazmunyn qaıtadan aıtyp berý suralady.

4. Ádilqazylar alqasy ózderiniń sheshimin shyǵarady.