InfoHub Logo

Aqtóbe oblysy Muǵaljar aýdanynda balalar arasyndaǵy kıkiljińnen soń mektep muǵalimi óz aýyldasyn ar-namysyn qorlaǵany úshin sotqa berdi dep habarlaıdy Kerek ınfo.

Aıtýynsha, áıel ony "ekige oqyǵansyń" dep sógip, kúıeýi men týystaryna til tıgizgen. Munymen qoımaı, aıaǵy aýyr bola tura, onyń qolynan tyrnap alypty.

Oqıǵa bıyl sáýir aıynda Muǵaljar aýylyna qarasty Altyndy aýylynda bolǵan. Shaǵymdanýshynyń sózinshe, sol kúni 11 jastaǵy balasy úıge jylap kelip, ózine balalardyń tıiskendigin aıtqan. Balalaryn jaqtaǵan ata-analardyń birimen sózge kelgen áıel keıin sotqa júgingen. Aıtýynsha, urys-keris kezinde áıel mektepte sabaq beretin ony "ekige oqyǵansyń, topassyń" dep sókken. Kórshileri men oqýshylarynyń kózinshe kúıeýin maskúnem dep ar-namysyna tıipti. Tipti, aıaǵy aýyr ekenin bile tura, qolynan tyrnap alǵan kórinedi.

Alaıda sot otyrysy kezinde sottalýshy áıel óz kinásin tolyq moıyndaǵan joq. Shaǵymdanýshy áıel ózimen bir mektepte oqyǵan. Sol sebepti ózin tildep, urysýyn toqtatpaǵan oǵan "dvoıchnıksiń" degeni ras kórinedi. Jaman sóz aıtqan onyń balasyn "tilińdi julyp alam" dep te qorqytqan. Alaıda mektep muǵaliminiń jeke ómirine til tıgizbegen ári eshqandaı jaraqat ta salmaǵan. Bar bolǵany, qoly saýsaǵyn sermeı sóılegen áıelden balasyn qorǵamaq bolǵan kezde abaısyzda tıip ketipti.

Muǵaljar aýdanynyń №2 aýdandyq sotynyń habarlaýynsha, kýágerlerdi tyńdap shyqqan sýdıa áıeldi kinásiz dep tapty. "Ekiliksiń" degen sóz ekeýara urys kezinde aıtylǵandyqtan, cot sottalýshy muny ádeıi jasamaǵan dep tapty. Sóıtip, qylmys quramy bolmaǵandyqtan sottalýshyny aqtap shyqty. Alaıda munymen kelispegen áıel oblystyq sot alqasyna apelásıalyq shaǵym túsirgen. Biraq, bul joly da jeńilis tapty. İsti qaıta qaraǵan sot apelásıalyq shaǵymdy qanaǵattandyrýsyz qaldyrdy.

---