InfoHub Logo

Jer betinde ár adam óziniń qamshynyń sabaǵyndaı berilgen ómirde baqytty bolǵysy keledi. Al sol bir qundylyǵy gaýhhar taspende ólshene almaıtyn baqytty, ár kim ártúrli túsinedi. Áıtsede adamnyń bul ómirde baqytty bolýy óz qolynda. Óz baqytyn izdegen jandar eń aldymen, "baqyt degen ne?", degen suraqqa jaýap izdep, osylaısha óz baqytyna ózi naqty qadam jasaý kerek. Osy tusta Muqaǵalıdiń "baqyt" uǵymyn ár jaqty qarastyryp jazǵan keremet óleńi bar. Onda biri, baqytty dúnıedegi barlyq baılyq dese, biri kóńili toq, kóılegi kók bolǵanǵa teńeıdi. Al taǵy biri baqyt uǵymyn adal jar men shańyraq berekesi balaǵa teńeıdi. Árıne, bul tusta ár adamnyń oıy ózdiginshe durys, sebebi kitaptyń bir ǵana beti bolmaıdy. Sondyqtan jalǵan ómirdegi, kókreginde jany bar adam, óz baqytyn ózdiginshe tabýǵa tyrysady. Bul jalǵanda baqyt sózi men úshin óte tereń maǵyna bildiredi. Osy on jeti jyl ishinde mende óz baqytymdy tanyp bildim desem esh qatelespeımin. Adamnyń oıyn adam emes, taǵdyr ǵana ózgertedi. Osy bir synaǵy kóp taǵdyr, baqyt ol seniń otbasynyń ekenin tolyq túsindirdi. Qara shańyraq ishinde tórt kóziń túgel, alty jaǵyń ala bolyp, bir-birińdi syılap ótkenge ne jetsin. Meniń óz baqytym óz qolymda! Iá, bul ras. Tóte joldy nemese túzý joldy tańdaý seniń óz erkiń. Kúndelikti bolyp jatqan jáıttar baqyt jolyndaǵy baspaldaq bolýy ábden múmkin. Sol sebepti, kúndelikti ata-anamyzdyń jyly sóılep, baýyrlarymyzdyń syńǵyr kúlkisine shomylyp, dostarymyzdyń janynda bolýdy umytpaıyq. Appaq qustyń qanatyndaı, móldir bulaqty kirshiksiz taza sýdaı, baqytyńnyń kóz aldyńda ekenin ýmytpaǵaı. Alysqa kóz súrgenshe, júrek túbine kóz salsań, baqyt jolyn óziń aq tabasyń.

Kýatova Aselá Kýanyshbekovna

---