InfoHub Logo

Jambyl – óz zamanynyń uly aqyndarynyń biri. Bala kezinen aqyndyq darynymen óz ortasynda tanyla bastady. Búginde mine, Jambyldyń týǵanyna 175 jyl tolyp, elimizde Jambylǵa arnap ataýly merekelik is-sharalar ótkizilýde. Jambyldyń ósip-óngen topyraǵynda án-kúı, aqyndyq jyraýalyq óner aıryqsha oryn alǵany aıqyn baıqaldy. El ómirindegi tabys pen jańǵyrýlardy, jeńis pen erlik isterdi erekshe shabytpen jyrlap jetkizgen. Qandaı dúnıeni bolmasyn, aqyn kózimen barlap, sýret kúıinde tanyp úırengen Jambyl ómirden ótkenshe osy ańǵarympaz qalpynan tanǵan emes. Qaı zamannyń aqyny bolsa da, jaı pendeler sekildi óz zamanyna táýeldi. Óz zamanynyń týyndysy. Jambyl shyǵarmashylyǵy da óz dáýiriniń shyndyq sáýlesi. Ol halyq ádebıetin, ózinen burynǵy aqyndar shyǵarmalaryn, aýyzsha taraǵan jyr-dastandardy jatqa bilgen. Muhtar Áýezovtiń aıtýy boıynsha, mıllıon jol óleńdi múdirmesten jatqa aıtatyn bolǵan. Sol mıllıonnyń ishinde qandaı ádemilik, kórkemdik úlgi joq deısiz?! Kóneniń kózimen jyrlanǵan ár dastannyń jolynda ózgeshe saryn bar. Júrip ótken joldyń enshisinde qanshama qaıǵy-muń, soǵan saı qanshama qýanysh bar. Osynyń barlyǵyn óleń jolyna syıǵyza bilý – aqynnyń qolynan ǵana keledi.

Búgin de qazaq eli jyr alybynyń 175 jyldyq mereıtoıyn saltanatty túrde atap ótýde. Bul aıtylǵan maqalamdaǵy oı salatyn jazbalarym, qundy derekter, tanymdyq dúnıe, tárbıelik máni zor shyǵarmalary, bizge qaldyrǵan ólsheýsiz ǵıbraty ekenin taǵy da bir ret esimizge túsire aldyq dep bilemin. Jambyl jyrlarynyń halyqtar júreginen óshpes, ólmes oryn alýy-onyń ulylyǵynyń belgisi. Urpaqtary barda uly aqyn jyry ǵasyrdan ǵasyrǵa jasaı beredi!

Elbasy Nursultan Ábishuly Nazarbaev uly Jambylǵa adamdyq pen adamgershiliktiń, ádilettilik pen izgiliktiń alyp jyrshysy degen tarıhı baǵasyn berdi. Jambyl babamyzdyń shyǵarmashylyq murasy halqynyń talaıǵy tarıhı shynaıy ómiriniń aınasy!

Jambyl Jabaev óziniń ǵasyrǵa jýyq ǵumyrynda taý men dalany jyrlady. Poezıa álemindegi týǵan halqynyń maqtanyshy, álemdik deńgeıdegi jyr alybyna aınaldy. Onyń aqyl-oıǵa, parasatqa, tereń tarıhqa, móldir syrǵa, názik sezimge, baı obrazǵa toly poezıasy óleńge qushtar, ónersúıer árbir jandy súısintti. Jambyl babamyz — esimi qazaq ádebıetinde altyn áriptermen qalǵan ǵajaıyp qubylys! Alyp ta bıik, aıdyndy da aıbyndy jyraýshy.

---