InfoHub Logo

«Sóz sheberleri saıysy» baǵdarlamasy.
​
"Bar jazǵany danalyq bop sanalǵan!"- atty Abaı Qunanbaıuly shyǵarmashylyǵyna arnalǵan mektepishilik saıysy.

1-shi muǵalim:
Tekti tuqym,​ sheshen rýdyń tuıaǵy,

Ana súti dilmarlyqty quıady...!
Áke isi​ - jaqyn qylyp halqyna,
Al ájesi - sharyqtatty qıalyn..!
Oqý-bilim sanasyna sham jaqty,
Ǵylym ony - atandyrdy eń jaqsy!
Kóp oılanyp, tereń sezip, túısinip,
Aınalaǵa marjan oılar taratty!

2-shi muǵalim:
Danalyqqa ǵashyq boldy jasynan,
Shyqpaýshy edi, jastar ylǵı qasynan!
Eýropadan talaı kitap aldyryp,
Orys,​ parsy, shaǵataısha oqyǵan!
Quran, hadıs, sharıǵatty zerttegen,
Iman jaıyn, ıhsan jaıyn ekshegen!
Keshegi ótken dana Abaıdyń urpaǵy,
Bul saıysty bastaıyq biz sizdermen!

1-muǵalim:
​ -​ Qurmetti oqýshylar! Abaı atamyzdyń 175 jyldyq mereıtoıyna oraı​ "Bar jazǵany danalyq bop sanalǵan" - atty sóz sheberleri saıysyn bastaımyz!

2-muǵalim:
​Sizderdiń aldaryńyzda 6-7-8 synyp oqýshylary,​ sheshendik​ ónerdiń bir qyry bolyp tabylatyn - sóz saptaý,​ oıdy sózben kórkem beıneleý, anyq sóılep, júrekke jetkize bilý ónerlerimen jarysqa túsedi! Jankúıerler qol shapalaqtap,​ demep otyryńyzdar?!
​
1-shi muǵalim:
​- Ortaǵa​ aqyn óleńderin jatqa oqýdan jarysatyn úsh oqýshyny shaqyramyz!
(Esimderi)

(Ortaǵa ár synyptan bir oqýshydan, úsh oqýshy shyǵady. Alǵashqy saıys Abaı óleńderinen jarys. Bir oqýshy bastaıdy,​ ekinshisi kelesi shýmaǵyn aıtyp, basqa óleńdi jalǵaıdy.​ Osylaı úsh oqýshy nemese alty oqýshy jaryssa bolady.)

2-shi muǵalim:
​Qara sózdiń qasıetin tereń uǵynǵan urpaq, ózderi de bala bolsa da, dana bolady! Endeshe naǵyz sóz sheberlerin sahnaǵa shaqyramyz:
(Esimderi)

(Aldymen synyp aralyq saıysta, ár synyptan bir​ oqýshy shyǵady. Bireýi bir qara sózdi bastaıdy,​ ekinshisi jalǵaıdy! Sosyn ol bastap, qarsylasy aıaqtaıdy. Qysqa qara sózdermen jarysady. Osylaı úsh synyp arasynda jeńimpazdar anyqtalyp, eń kóp qara sóz jattaǵan bala marapattalady!)

1-shi muǵalim:
Endi Abaı atamyzdyń ómiri baıandalatyn shaǵyn kórinistermen jarys jalǵasady! Qabyl alyńyzdar!

(Úsh synyp úsh kórinis qoıady.)

2-shi muǵalim:
Júrekti terbesin,
Áýezdi án, ádemi!
Osylaı tanylar,
Abaıdyń álemi! - deı otyryp,​ kezekti án jarysqa bereıik!

(Abaı ánderinen jarys)

1-shi muǵalim:
Abaı​ - dana,​ Abaı - dara,​ qazaqta!
Sóz qadirin túısinbegen qazaq pa?!
Jattalsyn dep, jas urpaqtyń jadynda,
Shyǵarmasyn aınaldyrdyq saıysqa!

2-shi muǵalim:
Dana da kóp, qazaǵymda kóp aqyn,
Áli talaı juldyzdar kóp, janatyn!
Egemendi el, máńgi bolyp táýelsiz,
Urpaq týsyn,​ dál Abaıdaı bolatyn!

Qurmetti kórermen, ustazdar,​ oqýshylar! Búgingi saıysymyz osymen óz máresine jetti. Kezekti sózdi qazylar alqasyna beremiz.

G. Qasenbaı 

​23.01.2020

---