Sońǵy on jylda elimizde balalar úıiniń sany 2 ese azaıdy
Sońǵy 10 jylda balalar úıiniń sany men ondaǵy tárbıelenýshiler sany 2 ese azaıǵan. Bul aqparatty QR Oqý-aǵartý mınıstrligi bala quqyqtaryn qorǵaý komıteti jetkizdi.
Memleket basshysynyń tapsyrmasy boıynsha balalar úıleri balalardy qoldaý ortalyqtaryna aınaldy.
Úkimet kásibı qabyldaýshy otbasy ınstıtýtyn engizý boıynsha zańnamalyq normalardy ázirledi, bul odan da kóp balany otbasylyq qamqorlyqpen qamtýǵa múmkindik beredi.
Jetim jáne ata-ana qamqorlyǵynsyz qalǵan balalardy otbasylarǵa ornalastyrý – memlekettik saıasattyń basym baǵyty.
Búginde otbasylyq ornalastyrýdyń 4 balama túri bar:
- bala asyrap alý;
- qorǵanshylyq (qamqorshylyq);
- patronat;
- qabyldaýshy otbasy.
Qazirgi kúni 3 myńnan asa bala 116 ınternat uıymynda tárbıelenip jatyr. Sońǵy 10 jylda 7 myń bala óz otbasyn tapty.
«Balalar úıiniń azaıýyna ınternat uıymdaryn deınstıtýsıonalızasıalaý, otbasylyq ornalastyrýdyń balama nysandaryn engizý jáne jetim bala tárbıelep otyrǵan otbasylardy materıaldyq qoldaý saıasaty áser etti», – dedi bala quqyqtaryn qorǵaý komıteti tóraǵasy Nasymjan Ospanova.
Sonymen qatar ata-ana qamqorlyǵynsyz qalǵan ár balaǵa kolejder men joǵary oqý oryndarynda bilim alýǵa grant berilip, shákirtaqy tólenedi.
Olardyń jumysqa ornalasý kezinde basym quqyǵy bolady.
You Might Also Like
-
Led ekrannan mektep aýlasy kórsetiledi. Al aýlada kishkene ǵana oqýshy qyz, qolyna paket kıip alyp, qoqys terip júredi. Kenet sahnaǵa eki ul bala shyǵyp:
-
Qabanbaı batyr jas kezinde uly júzdiń atoıshyl batyrlary Hankeldi, Aralbaı, Mergenbaı, Jaýatar, Yryskeldi sıaqty iri tulǵalarmen talaı ret úzeńgiles bolyp, jońǵarlarǵa qarsy qandy shaıqastar jú...
