InfoHub Logo

Led ekrannan mektep aýlasy kórsetiledi.​ Al aýlada kishkene ǵana oqýshy qyz,​ qolyna paket kıip alyp, qoqys terip júredi.​ Kenet sahnaǵa eki ul bala shyǵyp:

​- Eı, Qoqysgúl! Taǵy da qoqys terip júrsiń be? Má! Myna qoqystardy da ter - dep,  ýmajdalǵan qaǵazdardy laqtyryp ketedi.

Qyz úndemeı qoqystardy jınap, jáshikke tastaıdy.​ Sosyn sákige otyryp,​ muńaıyp,​ kóz jasyn súrtip otyrady. Osy kezde sahnaǵa Jer-Ana shyǵady.​ Aqyryn ǵana qyzdyń artynan kelip:

- Aısáýle! Meniń betimdi qoqystan tazartýshy altyn qyz?! Sen qandaı keremet balaqaısyń? Ata-anań seni ne degen meıirimdi etip tárbıelegen?- deıdi.

-​ Aa? Siz kimsiz?

- Men Jer-Anamyn!

-​ Jer-Ana? Siz tek ertegiler áleminde ǵana emes pe edińiz?

-​ Joq, qalqam! Men shyn ómirde de barmyn! Maǵan qıanat jasaýshylardy jazyp júrmin...! Jaqsy, qaıyrymdy balalarǵa beretin syılyǵym mol! Olardy óz jemis, kókónis, dándi daqyldarymmen qýantamyn! Olarǵa as atasy bolǵan - "Nan"- dy syıǵa tartamyn! Al salaq,​ nashar balalarǵa syılyq bermeımin- dep otyrmyn.​ Eger olar ózgerse, onda​ men de olardy jaqsy kóretin bolamyn!

- Mássaǵan..! Al men bilmegen ekenmin..

- Endi bilip júr! Aısáýle... (muńaıyp) meniń júregim qatty aýyrady...!

- Sizde júrek bar ma?

- Álbette..! Myna ekranǵa qarashy...? Adamdar menimen ne istep jatyr..?​ (Ekrannan qyrqylǵan orman, órtengen alqap, qyrylǵan kıik, balyq, ań-qus, soǵys, asharshylyq, jaǵajaılardaǵy qoqys,​ ýly jemister men dárilengen alqaptar, qyrylǵan jándikter kórsetiledi.​ Ar jaǵynan kúı oınap turady.)

- Sumdyq - aı! (Aısáýle jylamsyraıdy)

- Osyndaı apat jasaǵan adamdarǵa keıde ashýlanyp,​ mynadaı minez de kórsetemin! (Ekrannan túrli tabıǵı apattardyń vıdeosy kórsetiledi.​ Sýnamı, jer silkinisi,​ výlkan,​ taý qozǵalýy t.t.)

- Ótinemin... Jer-Ana...?! Bizge mundaı apat jibere kórmeshi... Qazaq halqy obal-saýapty biletin, ań-qustyń kıesinen qorqatyn halyq. Bizge tek meıirimińdi ǵana syılashy...?!

- Bilemin altyn qyz! Buryn qazaq qandaı edi...? Eh,​ shirkin-aı. Ǵajap halyq edi-aý?! (Sahnadan qazaq úıler men jaılaý, móldir sý, keremet tabıǵat pen ádemi kórinister kórsetilip, sońy atom bombasy jarylǵan Semeı,​ tartylǵan Aral, qyrylǵan maral kórsetilip aıaqtalady...)

- Jer-Ana,​ endi biz saǵan qandaı kómek bere alamyz? Siz úshin ne isteı alamyz?

- Eger ár jerge qoqys tastamasańdar, ózen-kólderdi, taý men tasty bylǵamasańdar, jaqsy bala bolsańdar,​ meniń de jaram jazylady.

- Jaraıdy Jer-Ana! Men endi tipti de qoqys terýdi jalǵastyra beremin. Óıtkeni bul jer​ - meniń Otanym! Aıaýly Qazaqstanym! Men úshin​ - Jer Jánnaty!

- Bárekeldi! Aqylyńnan aınaldym! Ata-anańa myń alǵys! Onda men ózińmen qoshtasaıyn. Biraq alǵys aıtýǵa kelip turamyn. 

Gúlmeken Qasenbaı
09.01.2020

---