InfoHub Logo

“Bárin shatastyrdy” -  Alekseı Soıǵa qandaı eskertý aıtyldy?

Májilis spıkeri Nurlan Nyǵmatýllın densaýlyq saqtaý mınıstri Alekseı Soıdan nakty sandardy aıtýyn surap, esepti vaksınanyń eki komponenti egilgen adamdar sany boıynsha ǵana júrgizýdi eskertti, - dep habarlaıdy Bilim.all aqparattyq agenttigi Tengrinews.kz saıtyna silteme jasap.

Májilis otyrysynda Nurlan Nyǵmatýllın Alekseı Soıǵa jýrnalısermen kezdeskende naqty jaýap berýin surady.

"Jýrnalısermen kezdeskende halyqqa naqty sandardy aıtyńyz. Áıtpese bul ekvılıbrısıka bárin shatastyrdy. Siz qazir 21 kún dedińiz. Orynbasarlaryńyzdyń biri 90 kún deıdi. Qazir 45 kúnge deıin dep otyrsyz. Bárin shatastyrdyńyz! Biz halyqaralyq standart aıasynda jyljyp kelemiz. Sizderdiń dıplomdaryńyzǵa qarasa, barlyǵy densaýlyq saqtaý salasynda uıymdastyrýshy, taǵy bir nárse. Endeshe vaksınasıany uıymdastyryńyzdar! Bir aqparat shyǵady, sodan keıin sizdiń basqa qyzmetkerińiz basqasyn aıtady. (...) Jurttyń basyn aýyrtpaıyq. Eki vaksınasıa bolsa, ekeýinen ótý kerek. 15 kúnnen keıin antıdeneler degen - aqtalý, Alekseı Vladımırovıch. (...) Eki vaksınadan keıin vaksınalanǵan bolyp sanalady. Osy jerden esep júrgizińizder", - dedi Májilis spıkeri Nurlan Nyǵmatýlın.

Buǵan deıin mınıstr 1,4 mıllıon qazaqstandyqqa vaksınanyń birinshi komponenti egilgenin, bir kúnde 117 myń adamǵa vaksına salynyp vaksınalaý qarqyndy júrip jatqanyn habarlaǵan bolatyn. 

Ekinshi komponent 21 jáne eń kóbi 45 kúnnen keıin onsyz da salynady. Birinshi komponentti saldyrǵannan keıin de 15-ishi kúni antıdeneler paıda bolatynyn túsiný kerek. Jetkizýdiń naqty kesteleri bar. Biz óńirlermen jumys isteımiz.(...) Turǵyndar asqynýlar joq ekenin kórdi. Vaksına saldyryp jatqan azamattardyń belsendiligi artyp kele jatqanyn baıqap otyrmyz", - dep jaýap qatty mınıstr.

Búginde vaksına 1,77 mln adamǵa salynyp, onyń ekinshi komponentin 347 myń adam saldyrǵan.

---