InfoHub Logo

Esik aldynda aqjaýlyqty ana otyr. Kıim kıisinen, ótken-ketkenge jaltaqtap qaraǵanynan-aq aýyldan kelgenin baıqaý qıyn emes. Naýryz merekesiniń kezi edi. Sálem berip, kóristim. Salǵan jerden saldyrlap sóıleı jóneldi, meni burynnan tanıtyn adam sıaqty.

— E... osynda turady ekensiń ǵoı?

— Iá.

— Meniń álgi jamanym, kenjem osynda turady ǵoı. Basqalarynyń bári Beıneýde, tórt kelinim bar, qudaıǵa shúkir, qyzdarym turmysta. Oqımyn, jumys isteımin degesin osynda jibergenbiz. Anany-mynany kórip, adam bolyp qalypty. Keshe de, búgin de búkil Aqtaýdy aralatty. Kim-aý, sen atym Temir dediń be, Temir- aý, meniń álgi jaman qaram jurttyń bárin tanıdy...

— O, onda jaqsy eken.

— Árıne, keshe bar-aý, úıden shyǵa bere qolyn kóterip qalyp edi, ótip bara jatqan máshıne qaıyrylyp kelip, bizdi mingizip ketti. Odan qaıda barsaq ta, qolyn sál kóterse boldy, zyr etip janymyzǵa toqtaı qalady.

Men úlken kisige ne deıin, qazir taksı kóp, aqsha úshin toqtaıdy dep kóńilin buzǵym kelmedi.

— Sheshe, balańyz jaqsy eken, adam bolady eken. Tek basyna amandyq, janyna saýlyq bersin, — dedim.

Táńir jarylqasyn, aınalaıyn. Ol jaman qaramnan birdeńe shyǵady, naǵashylaryna tartqan ǵoı. Aýylda júrgende jasqanshaqtaý, bosańdaý kóretinmin. Ne degenmen kópshiliktiń, qalanyń aty qala ǵoı jáne tanymasyn syılamas degen, ásirese shopyrlardy tanyǵany jaqsy, qazir kóliksiz qımyldaı almaısyń. Al meniń álgi jamanym ysqyryp ne qolyn kóterip qalsa, tek tizilip tur, oı, Alla-aı...

---