InfoHub Logo

Mysyr elindegi Gıza ústirtinde turǵan Uly sfınks, eń beri bolǵanda, bizdiń dáýirimizge deıingi 14 ǵasyrdan bastap ıyǵyna deıin qumǵa kómilip turdy. Ol tek 1936 jyly ǵana túbegeıli qazyp alyndy.   

Iýlıı Sezar sheıit bolǵan Torre-Ardjentına alańy qazir… ıesiz qańǵyryp júrgen júzdegen mysyqtyń «qoryǵyna» aınaldy.  

1923 jyly bir arheolog dúnıe júzine tanymal Stoýnhedjdiń túbin qazyp jatyp portveın shólmegin taýyp alypty. Ony 1802 jyly basqa arhelog bolashaq «jerqazarlarǵa» arnap jazǵan sálemhatyn salyp qaldyrǵan eken.    

1967 jyly London kópirin aýystyrý týraly sheshim qabyldandy, óıtkeni ol ár jyl saıyn shamamen bir dúımge (2.5 santımetrge jýyq) sýǵa batyp otyrdy. Osylaısha «London kópiri qulap bara jatyr» («London bridge is falling down»)  áni naǵyz sáýegeılik bolyp shyqty. Kópirdi amerıkalyq kásipker Robert MakKalahom 2,46 mıllıon dollarǵa satyp alyp, Arızona shtatyndaǵy Leık-Havasý-Sıtı qalasyna aparyp, sol jerge ornatty.  

Londondaǵy Bıg-Ben saǵatynyń dáldigi brıtandyq pennıdiń (tıyn) arqasynda bolyp otyr, týra maǵynasynda osylaı. Saǵatty durys júrgizý úshin, onyń júrisiniń uzaqtyǵy men terbelis dúrkindiligine yqpal etetindeı qylyp, tıyndar maıatnıktiń ushyna ornalastyrady. Bir pennıdi qosyp qoıý nemese alyp tastaý saǵat júrisiniń jyldamdyǵyn táýligine 0,4 sekýndqa ózgertip otyrady.  

Madrıdte turǵan aspannan qulaǵan Lúsıferdiń keıpindegi músin bolyp tabylatyn «Jerge túsken perishte» sýburqaǵy «kezdeısoq» túrde teńiz deńgeıinen 666 metr bıiktikte ornatylyp qalypty.   

NASA-nyń Kanaveral múıisindegi ǵarysh kemelerin jáne zymyran-tasyǵyshtardy aqtyq márte qurastyryp jınaýǵa arnalǵan «Tik turǵyzyp qurastyrý ǵımaratynyń» úlkendigi sondaı, onyń óziniń erekshe aýa raıy bar. Ylǵaldy kúnderi tóbesinde jańbyr jaýǵyzatyn bulttar túzilip qalady.     

Rımdegi Áýlıe Peter bazılıkasy táýbe qylǵan dinshilderge beriletin ındýlgensıalar men kúnálaryn keshirý týraly aıryqsha gramotalardy satýdan túsken qarajatqa salynǵan.  

Vashıngton ulttyq soboryna (shirkeý) kórik berip turǵan orasan zor músinderiniń biri — «Star Wars» taǵy Dart Veıderdiń dýlyǵasy.   

Japonnyń Isýkýsıma aralynda bala týýǵa jáne ólýge tyıym salynǵan. Bundaı pármen aralǵa atyn bergen sıntoıstik ǵıbadathananyń «áýlıelik» qasıetin saqtap qalý úshin jasalypty.   

Parıjdegi Eıfel munarasy ár túrli úsh reńge syrlanǵan. Atmosferalyq perspektıva effektin boldyrmaý úshin munaranyń ústińgi jaǵy ashyq altyn túske, al tómengi jaǵy — qoıýyraq túske boıalǵan. 

---