InfoHub Logo

Ala tańy kúıbeń tirshiliktiń ortasynan bastalatyn taksıstiń bir kúndik ómiri qyzyqqa toly. Tańsáriden tabıǵatqa tamsanyp otyratyn qalanyń turǵyndary qarbalas ótetin ýaqytqa ábden beıimdelgen. Tipti, taksıst bolyp úırengen bizder de qalanyń keptelisi alqymymyzdan alyp tursa da ashýǵa boı aldyrmaımyz. Óıtkeni sol taksıstik ómir shydamdylyqqa úıretetindeı. Qala turǵyndary demalys ýaqyttaryn ózderinshe ártúrli ótkizip jatady. Al meniń bir kúndik demalys kúnim ózime jeterlik nápaqa tabýmen bastalady. Birde ash, birde toq júretin stýdenttik ómirde sabaqpen qosa taksıstik ómirdi de qatar alyp júrmin. Qazirgi ýaqyt jetpeıtin zamanda shydamsyzdyqtan dyzaqtap turatyn adamdardy kelesi beketke jetkizip tastap alǵystaryn alyp júrmin. Sol ómir ózindik kózqaras qalyptastyryp, qoǵammen, adamdarmen baılanys jasaýdy úıretip júr. Stýdent bolyp, tańǵy sabaǵyma keshigip bara jatyrsam da, aıaldamada turǵan adamdardy ózderi kelisip turǵan baǵada dittegen jerilerine jetkizip tastaımyn. Tipti, keıde ózime kúlip  te alamyn. Osy qaladaǵy eń arzan taksı men shyǵarmyn dep. Biraq, bárimiz bir aspannyń astyn saıalaǵan adamdar bolǵan soń jomarttyq tanytqanymyz artyq etpeıtin bolar.

Qudıar Danıarov

---