Orynsyz oınap, kúlgende,
Opyq jep talaı júrgende,
Basyma meniń, Baq, qondyń,
Baıqaýsyz shaqta, birdemde
Bolaryn bulaı bilgem be?!
İzdesem, ras, izdedim,
Elimniń kezip túzderin,
Teńizderin de júzgemin.
Jabyqtyryp ta ketetin,
Jazdarym, talaı kúzderim.
Kórdiń be soqpaq daladan?
Sol meniń sandal izderim.
Baǵym ba dep te qaraǵym,
Tyrnalardyń da tizbegin,
Qaldyryp sodan sanadan
Birjola úmit úzgemin.
Aqyry, myna, Baq qondyń,
Baıansyz emes naq qondyń.
Qastarymmenen qaq bóldim.
Dostarym, biraq joq boldyń
Jalǵyzdyq degen qurǵyrǵa
Baq qondy-daǵy tap boldym...
Baqyt-oý, baqyt, erekeiń!
Dúnıege tegis seni eksin.
Tirlikke mynaý qoreksiń,
Jalǵyzdyq degen qurǵyrǵa
Nesine, janym, kereksiń?!
Qonbaı-aq qoıshy, qor ótsin!!!

---