Erteń jurt basqa jyldy qarsy alady.
Tamashalap, kúı tartyp, án salady.
Bı bıleıdi jastar da, káriler de,
Umyt bolyp jyl boıy sharshaǵany.
Jaıylǵan aq dastarqan - aq kóńilder.
Ájeler, balalar shat, shat kelinder.
Bárińe aıtatynym - bir-aq tilek,
Báriń de baq kórińder!
Baq kórińder!
Erteń jurt qarsy alady basqa jyldy.
(Tursa eken tuman baspaı aspanymdy.)
Erteń men túni boıy uıyqtamaımyn,
Umytamyn syrqatty, basta muńdy.
Basqa jyl kelgeninshe jer betimen,
Qushaqtap Dúnıeni terbetilem.
Erteń men barlyǵynan aıyǵamyn,
Bir súıip Jańa kúnniń kelbetinen.
Búrsigúni basqa jyl bastalady.
Shal turar,
Qyraý-qyraý qas-qabaǵy.
Pensıaǵa shyǵýǵa taıady qart,
Taǵyna otyrǵyzyp jas balany.

---