InfoHub Logo

Egemendi elimizdiń tiregi - bilimdi, tárbıeli urpaq. Qazirgi tańda ár muǵalim sabaǵyn jańasha uıymdastyryp, árdaıym izdeniste bolýy tıis.Bilim berý júıesinde bolyp jatqan ózgerister oqytý úrdisinde jańa ádis tásilderdi engizýdi talap etedi.

Úsh aılyq kýrsty aıaqtaǵannan keıin tizbektelgen sabaqtar toptamasyn quryp, ondaǵy árbir sabaq kezeńine formatıvti (qalyptastyrýshy) baǵalaý túrin engizdim. Baǵa - oqytý úderisindegi qozǵaýshy kúsh. Synı turǵydan oılap qarasaq, oqýshylar ózderiniń jumysynyń nátıjesin sabaqtyń sońynda emes ár kezeńinde bilip, ózin-ózi baǵalaı alady. «Baǵalaý» termıni «jaqyn otyrý» degendi bildiretin latyn sózinen shyqqandaǵy kezdeısoq emes, sebebi baǵalaýdyń negizgi sıpaty bir adam basqa adamnyń ne aıtyp, ne istegenin nemese ózin-ózi baqylaý jaǵdaıynda óziniń derbes oılaýyn, túsinigin nemese tártibin muqıat baqylaýy bolyp tabylady.

Ózin-ózi baǵalaý jáne synyptastaryn baǵalaý strategıasy boıynsha oqýshylar oqytýdyń naqty krıterılerine jáne maqsattaryna sáıkes ózine de, sondaı aq synyptastaryna da baǵa qoıa alady. Bul krıterıılerdi sabaq barysynda jattyǵý retinde berýge bolady; bul jattyǵý muǵalimniń oqýshylardan ne kútetinin aıqyndap, oqýshylardy ózderiniń jumystarynyń osy úmitke sáıkestigi týraly oılanýǵa ıtermeleıdi. Men óz tájirıbemde bastaýysh synyp oqýshylary bolǵandyqtan formatıvti baǵalaýdyń tıimdi ádisi retinde baǵdarsham sıgnaldary: jasyl sıgnal= men jaqsy oryndadym, sary= men jartylaı oryndadym, biraq taǵy jumys isteý qajet jáne qyzyl sıgnal= maǵan kómek kerek jáne de smaılıkter, qolpashtaý, ısharalar: «bas barmaqty joǵary kóterý», «tómen túsirý» nemese «qımyl baǵytyn aýystyratyn bas barmaq t.b. túrlerin qoldanamyn. Osy baǵalaýdyń túrleri oqýshyǵa jaqsy jiger beredi. Ózderin senimdi ustap, kelesi sabaqqa jaqsy kóńil-kúımen keledi. Bul ádis úlgerimi tómen oqýshylardyń da ózin-ózi baǵalap, bilim alýyna yqpal etedi dep oılaımyn. Muǵalimniń qalyptastyrǵan keri baılanysy oqýshyǵa ózin jetildirýge kómektesedi. Bastaýysh synyp oqýshylarynyń bilim deńgeıin kóterýde «Oqytý úshin baǵalaý jáne oqýdy baǵalaý» modýli bastaýysh synyp muǵalimderi úshin qolaıly tásil.

Paıdalanǵan ádebıetter:
1. Muǵalimderge arnalǵan nusqaýlyq
2. «Bastaýysh synyp» jýrnaly

---