InfoHub Logo

Toptamadaǵy sabaqtar tizimi:
1. Kimniń mekeni jaqsy?
2. Paıdaly qazbalar
3. Lepti sóılem

Sabaqtyń taqyryby: Kimniń mekeni jaqsy?
Sabaqtyń maqsaty:
1. Oqýshylarǵa áńgimeniń negizgi ıdeıasy, týǵan jerdi súıý, qadirleý ekenin túsindire otyryp uǵyndyrý.
2. Jańa sózder men maqal - mátelderdiń maǵynasyn ashý arqyly sózdik qoryn, sóıleý tilin damytý.
3. Óz Otanyna degen súıispenshilikke jáne ony qorǵaý ár adamnyń paryzy ekenin túsindire otyryp, durys áreket etýge tárbıeleý.
Sabaqtyń túri: dástúrli
Sabaqtyń tıpi: aralas ózin - ózi taný men ádebıettik oqý yqpaldastyrylǵan sabaq
Sabaqtyń ádis - tásilderi: túsindirý, suraq - jaýap, taldaý, áńgimeleý t. b.
Sabaqtyń kórnekiligi: sabaq mazmunyna baılanysty slaıdtar, sýretter, vıdeorolık.
Sabaqta qoldanylatyn tehnologıa: damyta oqytý tehnologıasy
Sabaqtyń barysy:
İ. Uıymdastyrý kezeńi.
Tynyshtyq sáti. ( Mýzyka áýeni jiberiledi oqýshylar kózderin jumyp tyńdaıdy)
Kórikti ólkeme qarashy,
Tizilgen orman, taý, qalasy.
Altaı men Atyraý arasy -
Qazaqtyń keń baıtaq dalasy.
Árbir adam úshin týǵan jerden ystyq, qadirli, qymbat eshteńe joq. Bolýy da múmkin emes! Saǵan ǵana emes, seniń áke - shesheńe de, babalaryńa da osy meken qutty meken bolǵan.
Óz sezimderimen bólisý.

İİ. Úı tapsyrmasyn tekserý.
- Olaı bolsa, balalar, ótken sabaqta jaqsy meken, jaıly qonys izdegen keıipkerlerimiz neler edi?
(tyshqan, qumyrsqa, baqa)
- Osy keıipkerlerimiz jaıly qonys izdep júrip, bizdiń synypqa da soǵyp ketýdi jón kóripti. Sizderge alyp kelgen tapsyrmalary da bar eken.
1. Qalaı oılaısyńdar, kókqutannyń mekeni bizge unady ma?(tyshqan)
2. Balalar, bizge boztorǵaıdyń mekeni unady ma?(qumyrsqa)
3. Biz ári qaraı qandaı oqıǵaǵa tap boldyq?(baqa)
- Sonymen, bizge tanys úsh keıipker jaqsy meken, jaıly qonys tapty ma? Ony bilmes buryn denemizdi sergitip alaıyq.

İİİ. Jańa sabaq.
Maqal - mátelderdi túsinip oqý.
● Týǵan jerdeı jer bolmas,
Týǵan eldeı el bolmas.
● Árkimniń óz jeri – Mysyr shahary.
Baqa kólinde patsha,
● Balyq sýynda patsha,
Jigit elinde patsha.
Oqýlyqpen jumys.
1. Muǵalimniń alǵashqy oqýy, túsindirýi.
2. Óz betinshe oqý.
3. Tizbektep oqý.
Oqýshymen jumys.
1. Mátindegi sońǵy sóılemdi daýystap oqý.
Suraq - jaýap.
- Balalar, senderdiń mekenderiń qaıda?
- Ol týraly ne bilesińder?
- Seniń mekeniń ózińe unaı ma?
Vıdeorolık. «Týǵan jerim – Aqtóbe!»

Shyǵarmashylyq tapsyrma.
Dáptermen jumys. Óleń qurastyrý.
Súıikti týǵan el,
Baýyryńda móldir kól.
Maqtaýǵa turarlyq,
Súıkimdi bar ma jer.
Óz týǵan jeriń týraly áńgime qurap aıtý.
İV. Qorytyndylaý.
Týǵan jer týraly oı - qozǵaý. (syzba)
V. Úıge tapsyrma.
Kimniń mekeni jaqsy?
Vİ. Baǵalaý. Matrısa ádisimen baǵalaý
Tynyshtyq sáti. ( Mýzyka áýeni jiberiledi oqýshylar kózderin jumyp tyńdaıdy)
Búgingi sabaqtan alǵan áserlerińizdi, týǵan jer týraly oqyǵan maqal - mátelderińizdi, danalyq sózderińizdi júrekterimizdiń túbine máńgi saqtap qoıaıyq...