InfoHub Logo

(Bastaýyshpen qoshtasý saltanatty keshi)
Taqyryby «Qosh, bastaýysh mektep!»
Kórnekiligi: «Bastaýyshyń – bastamań,
Bilim jolyn bastaǵan.
Bilim shyńy bıikte,
Belińdi bý jas danam», «Bilim – teńiz, mektep – keme», «Bilim al, eńbek et, jas ulan!
Ún qosyp qıadan asyra.
Syńǵyrla sońǵy qońyraý,
Syńǵyrla qońyraý asyǵa,
Syńǵyrla qońyraý taǵy da» dep jazylǵan plakattar, sharlar, gúlder, «Alǵashqy ustaz» fotostend.
Qatysýshylar: mektep oqýshylary
Júrgizýshiler: 1. Baıkenova Juldyz
2. Zeınýllaev Serikbaı

Saltanatty túrde Ánuran oınalady.

1 júrgizýshi: Serikbaı
Armysyńdar ustaz qaýym ata – ana,
Qulaq túriń jaqsy lebiz bataǵa
Keldik bizder 4 jyl boıy erkelep
Bastaýyshtyń balalary ata – ana.

2 júrgizýshi Juldyz
Bı bılenip án aıtylar aspandap
Birte – birte kóterildi baspaldaq
Alǵash ustaz alǵys aıtyp ózińe
Qoshtasý sát qımastyqpen bastalmaq

1 – júrgizýshiSerikbaı:
Barlyq bilim bastaýyshtan bastalǵan
Alǵys saǵan úlkendermen jastardan
Rahmet saǵan alǵash ustaz apaıym
Bergenińdi oıǵa toqyp qaıtaram.

2 - júrgizýshi. Juldyz
Rıza bolshy ustaz qaýym ardaqty
Shákirt júrek sizge arnaý arnapty
Jyldar jyljyp aılar zýlap ótse de
Bastaýyshty orta býyn jalǵapty

1 - júrgizýshi: Serikbaı.
Qadirli: ustazdar, Ata – analar, Oqýshylar
Biz búgin kózimizdi ashyp, kókiregimizdi oıatqan,
Bilim nárimen sýsyndatyp, bilimniń irgetasyn
Qalaǵan bastaýysh mektebimizben.

2 - júrgizýshi: Juldyz
Sondaı - aq bizdiń ystyǵymyzǵa
Kúıip, sýyǵymyzǵa tońa bilgen ońymyzben solymyzdy tanytqan jaqsydan úırenýge, jamannan jırenýge baýlyǵan alǵashqy ustazymyzben qoshtasqaly otyrǵan.
Ekeýi: birge - Saltanatty keshke qosh keldińizder!
1 - júrgizýshi: Serikbaı.
Ortaǵa altyn uıa mektebimizde birge oqyp, bizdiń izbasarymyz atanǵan 1, 2, 3 synyp oqýshylaryn shaqyramyn
Váls yrǵaǵymen oqýshylar kiredi
Ortaǵa mýzykamen ustaz shyǵady.

Ustaz: - Qymbatty ata - analar, ustazdar búgingi merekelik keshke qosh keldińizder. Búgingi kún men úshin de, súıikti shákirtterim úshin de erekshe kún. Onyń ereksheligi sol 4 jyl boıy oqyp qanatyn qataıtqan balalar bastaýysh synyppen, alǵash kórgen ustazdarymen qosh aıtysqaly otyr. Osy qýanyshty da qımas sátterimiz qutty bolsyn shákirtterim.
Sizderdiń aldaryńyzda turǵan myna oqýshylar osydan 4 - jyl buryn 6, 7 jasar oń men solyn aıyrmaǵan sábı bolsa, búgin mine es bilip etek jıǵan shákirt. Biz bul kúnge jaı jete salǵan joqpyz. Qıyndyqpen qyzyqqa toly kúnderimiz árqashanda esimizde bolary sózsiz. Osy jolda meniń aldyma qoıǵan mindetim elimizdiń keleshek tizginin ustaıtyn ystyqqa kúımeıtin, sýyqqa tońbaıtyn, ıterseń qulamaıtyn, qulasa jylamaıtyn, tepse temir úzetin, qýsa jetkizbeıtin, ádil sóıleıtin, jaqsylyqqa da, jamandyqqa da jaqsylyqpen jaýap beretin azamattar tárbıeleý. Al shákirtterim qadamdaryńa gúl bitsin.

Ózderińmen adymdap aspandaımyn,
Sender barda eshkimmen jasqanbaımyn.
Bastaýyshty bitirgen myna sender
Al men taǵy bir belesten asqandaımyn.
Men úshin birdeısińder qaraqtarym,
Oryndalsyn arman tilek talaptaryń.
Bárin de qarlyǵashtar sekildisiń,
Altyn uıa mektebinen ushyp tursyń.
Samǵańdar bıikterge qaırylmasyn
Endi ǵana qataıǵan qanattaryń!
Án: «Muǵalim ol bizdiń» 1 - synyp

Janerke: Ótti qyzyq kóp kúnder,
Úlken jasqa jettińder.
Bitirdińder mektepti
Bir belesten óttińder.
Dıas: Ósti mine boılaryń,
Ósti aqyl, oılaryń.
Qýanyshqa ortaqpyz
Qutty bolsyn toılaryn!
Talǵat: Bilemiz erteń bizden de,
Bilemiz erteń sizden de,
Ómirdiń talap suraryn.
Sonda ardaqty aǵa - apa
Sizderden úlgi alarmyz.
Zeınegúl: Bitirýshi túlekter,
Júkteler bar amanat.
Aıtyldy izgi tilekter
Bolmasyn esh jamanat.
Ásel: Altyn uıam mektebim,
Bilimińmen kóktedim.
Saǵan degen júrekte
Aq alǵysym kóp meniń.
Gúlden: Aldyńda uzaq jolyn bar,
Oqýmen ósip tolyńdar.
Qıyndyqqa moıymaı,
Aman esen bolyńdar!
Án: «Jarqyn júzdi ustazym» 2, 3, 4, synyp

Uljan: Ardaqty muǵalim,
Bilimiń – bulaǵyń.
Taýsylmas sen jaıly
Tasqyndy jyr ánim.
Mereke kúnimen
Quttyqtap búgin men,
Oıyma oı qosam
Sen bergen bilimnen.
Nazerke: Káýsaryn bilimniń
Qulshyna simirdim.
Oıyma jınadym
Boıyma sińirdim.
Men seniń kóktemin,
Nuryńmen kóktedim.
Sol úshin ózine
Alǵysym kóp meniń.
Án: «Ana tailim» Nazerke, Uljan
Bekzat: Birdeı bizdiń oıymyz da, syrymyz,
Bir mekteptiń uly mene qyzymyz.
Birdeı óstik oqýda da eńbekte
Kúlip oınap birimizben birimiz.
Mektebimde shyrqalmaǵan jyr bar ma,
Mektebimde aıtylmaǵan syr bar ma.
Mektebimde alaýlaǵan jas jalyn
Keter máńgi sónbeı talaı jyldarǵa.
Án: «Chemý ýchat v shkole» 2, 3, 4, synyp

Sultan: Mereıli bop kúnińiz
Mektepke kep turyńyz.
Saǵynamyz kún saıyn,
Kezdeseıik jyl saıyn.
Sizderge jalyn júrekpen
Aıtamyz dostyq tilekpen.
Árqashan sátti jol bolsyn
Saparlaryńyz oń bolsyn
Án: «Qoshtasaıyq» 4 - synyp
Mýzyka aıaqtalǵanda: «Qosh, mektebim!» - degen sózder shyǵady.

Serikbaı: - Ia bul bastaýysh mektep patshalyǵynyń qıyndyǵy men qyzyqty sátterin apaıymyzben birge ótkizip, bizdeı búldirshinderdi baptap, óz balalaryndaı qamqorlap júrgen ustazdarymyz bar. «Muǵalim - mekteptiń júregi» dep Ybyraı Altynsarın aıtqan bolatyn, minekeı bizde sol apaılar men aǵaıymyzǵa júregimizdiń jylýyn usynbaqpyz.

Serikbaı: Mektepti oılap ótken - keler, jyl - kúniń
Bar jaǵdaıyn oılaǵan oqýshynyń
Denemizdi shynyqtyryp oınatqan,
Tártip buzsaq aramyzda birimiz,
Shyn ashýmen bárimizdi oılatqan
Kompúterdiń de syryn bizge boılatqan
Kóp shákirttiń dosyndaı,
SABYRJAN aǵaı
osyndaı

Juldyz: Óz esimi júrekterde jattalǵan.
QAZINA apaı talaı jerde maqtalǵan.
Bı úıretip, jarystarǵa aparǵan
Úıirmeni talmaı - tynbaı basqarǵan.
Keledi jetektep 2 - shi synypty,
Minezben baısaldy, baıypty.

Serikbaı:: Baýlyǵan árbir ónerdi,
AQMARAL apaı ónerli.
Ásem ánnin sheberi,
Aspapta oınaıdy mánerli.
Qyzyqtyryp án - kúıge,
Bizdi úıretip keledi.

Ekeýi birge: - Máńgi qartaımaı ortamyzda mektebimizdiń júrekteri bolyp soǵa berińizder.

Apaılarǵa syılyqqa gúl tapsyrý.
Án: «Ustazǵa myń alǵys» 4 - synyp
Án: «Ustazym.» hor
Jasan::- Tolqımyz, tolqyp tursyz barshańyz da,
Mundaı kúı bolmaq sizdiń barshańyzda.
Bastaýyshpen qoshtaspaq túlekteriń,
Gúl jaınap turǵan joq pa ortamyzda.

Arýjan: - Qoshtasady altyn uıa mektebiń,
Mańdaıyńnan sıpap óter kóktemiń.
Demalysyn shákirtterdiń jazdaǵy
Tileıikshi qyzyqty bop ótkenin.

BI: Jastar bıi
Juldyz: Aqyryn júrip anyq bas
Eńbegiń ketpes dalaǵa
Ustazdyq etken jalyqpas
Úıretýden balaǵa
dep Abaı atamyz aıtqandaı ustazymyz bilimdilikke, biliktilikke, ádeptilikke, ádemilikke, adaldyqqa ádildikke, kóp nársege úıretti. Sondyqtan da alǵashqy ustazymyzǵa myń alǵys.
Alǵashqy ustaz eńbek etetin bastaýysh mektep seni kıeli demeske bolama?

Alǵashqy ustaz shákirteri týraly arnaýlaryn oqyp beredi. Estelik qońyraý usynady.
Muǵalim: - Gúlderge tolyp omyraý
Túlekter toıyn toılaıdy.
Qaǵylmaq sońǵy qońyraý
Qaqqyzbaı ómir qoımaıdy, - degendeı Sharshaǵandy basatyn, saraıyńdy ashatyn, tula - boıyńdaǵy enjarlyqtyń bárin qashyratyn qońyraý degen ǵajaıyp qural bar bul patshalyqta.
Sońǵy qońyraý soǵý saltanaty qurmetpen 4 synyp oqýshylary men 1 synyp oqýshylaryna tapsyrylady.

Qońyraý uzaq soǵylady.

Muǵalim::- Aıaqtap keshti, mektepti
Gúlderge tolsyn qoldaryń.
Qyzyqtap jazdy qaıtyńdar
Sát - sapar bolsyn joldaryń!!!- Osymen saltanatty sońǵy qońyraý jıynyn jabyq dep jarıalaı otyryp, jazǵy demalysty jaqsy ótkizip, kelesi oqý jylyna amandyqpen jolyqqansha saý - salamatta bolyńyzdar!
Muǵalim: -- Jaqsy shákirt azamat atanady,
Halqynan ata - anadan bata alady.
Urpaǵyna aıtsyn dep aq tilegin,
Ortaǵa shaqyraıyq ata - anany.
Sóz kezegi qurmetti de qadirli ata - analarymyz atynan:----------------------------------------- beremiz.
Sońy: Bári shar, gúl ustap bı bitkende shyǵady.