InfoHub Logo

Meniń ınovasıalyq sabaǵym

Men deńgeılik kýrsty oqyp kelgeli beri bilim berýge jańasha kózqaraspen qarap, osy baǵdarlama «Qalaı oqý kerektigin úıretý» taqyrybynan bastap kóshbasshylyqqa ákeletin baǵdarlama ekendigin túsine otyryp jumys júrgizýge tyrystym. Men oqýshynyń syn turǵysynan oılaýda alǵan bilimin óz qajetine qaraı kez - kelgen jerde qoldana alýy úshin tájirıbeme eleýli ózgerister engizýim kerek ekenin uǵyndym. Syn turǵysynan oılaý – Qazaqstandaǵy bilim berýdi damytý úshin mańyzdy bolyp tabylatyn qazirgi eń basty pedagogıkalyq túsinik. Syn turǵysynan oılaý modýliniń meni qyzyqtyrǵany balanyń týyndaǵan suraqqa jaýapty ózi izdep, ony dáleldeýge umtylys jasaýy. Dástúrli sabaqtarda oqýshy tek tyńdaýshy bolsa, syndarly oqytýda ózi oılana alatyn, ózi izdenetin, óz oıyn dáleldeıtin tulǵa, al muǵalim bolsa, osy áreketti baǵyttaýshy, uıymdastyrýshy ekendigi.

Muǵalim oqýshynyń tanymdyq, shyǵarmashylyq is - áreketiniń tabysty ótýine basty yqpal etedi. Al, meniń óz is - tájirıbemde baıqaǵanymdaı, oqý úrdisinde oqýshylardyń belsendiligin arttyrý arqyly is - áreketter barysynda oqýshynyń shyǵarmashylyǵy, izdenimpazdyǵy, bir salaǵa beıimdiligi men qyzyǵýshylyǵy damıdy. Men oqýshynyń belsendiligin damytý úshin amerıkandyq ǵalym B. Blýmnyń bir izben rettelgen maqsattar júıesin, ıaǵnı blým taksonomıasyn jáne synypta nemese synyptan tys jumystarda túrli shyǵarmashylyqpen jumys jasaýǵa syn turǵysynan oılaý modýliniń ádis - tásilderin (mysaly, aqyldyń alty qalpaǵy, zertteýshilik áńgime, blým túımedaǵy, JIGSO ádisimen mátindi taldaý, BUÚ kestesi, insert ádisterin, asosıasıa, bes joldy óleń, esse jazý, sýretter arqyly kórsetý, poster arqyly túsindirý taǵy basqa da kóptegen ádisterdi) qoldaný óte tıimdi. Árıne, Kembrıdj ýnıversıtetiniń tásiline sáıkes zertteý barysynda qıyndyqtar týyndaıtyny aıtylǵan. Oǵan jaýapkershilikpen qaraý kerek ekendigin de eskerdim. Bul tehnologıany qoldanýda árbir oqýshynyń, muǵalimderdiń jáne ata - analardyń bolsyn, ishki jan dúnıesinde ne bolyp jatqanyn oılanyp, ony túsinýge tyrysý kerek.