InfoHub Logo

Taqyryp: Baýyrmaldylyq jáne keńpeıildilik
Qundylyq: súıispenshilik
Qasıetter: baýyrmaldylyq, tatýlyq, keńpeıildilik
6 synyp
Oqýshylar sany: 16
Sabaqtyń maqsaty: oqýshylarǵa baýyrmaldylyq jáne keńpeıildilik uǵymdarynyń mánin keńinen asha otyryp, jalpyadamzattyq súıispenshilik qundylyǵy týraly túsinigin keńeıtý.
Mindetteri:
• Oqýshylardyń bir - birin jaqsy kórý, baýyrmaldylyq tatýlyq túsinikterin keńeıtý;
• Kishipeıildilik, keńpeıildilik qasıetterin damytý;
• İzgilikke, baýyrmaldyqqa, keńpeıildilik aıanbaı qyzmet etýge tárbıeleý.

Sabaq barysy:
1. Uıymdastyrý kezeńi.
• Topqa bólý:
• Baýyrmal
• Keńpeıil
•
• 5 «T» erejesin eske túsirý:
• Tártip
• Talap
• Tazalyq
• Tatýlyq
• Tynyshtyq

• Resýrstar: slaıd, ún taspa, stıkerler, aq paraqshalar, túrli tústi qaryndashtar,

2. Tynyshtyq sáti
Ormanǵa oısha serýen.
Muǵalim: Arqańyzdy tik ustap otyryńyz. Kózińizdi jumyp, tereń tynys alyńyz. Árbir tynys alǵan saıyn neǵurlym kóbirek bosańsyp, sabyrly bolýǵa tyrysyńyz. Qazir biz ormanǵa serýenge shyǵamyz. Ormanǵa qaraı júre bastańyz. Kele jatqanda abaı bolyńyz, jándikterdi basyp ketpeńiz. Bir mınýt toqtap aınalaǵa kóz salyńyz. Gúlderdiń birine jaqyndap, eńkeıip, onyń náziktigi men juqalyǵyna zeıin salyńyz. Ony ıiskeńiz jáne hosh ıisin jutyńyz. Aınaladaǵy bar nárseni baqylap, ary qaraı júre berińiz. Gúlder, gúlder men aǵashtardyń ıisi, qustardyń daýysy jáne jándikterdiń yzyńy. Ormanǵa endeı túsińiz, qarańyzshy, aǵashtar bıikteı ári qalyńdaı tústi. Jaryq pen kóleńkeniń oıynyn qyzyqtańyz, japyraqtardyń sybdyryn tyńdańyz. Biz ózimizdi ormanda baqytty ári qaýipsiz sezinemiz. Alańqaıǵa shyǵyp, osynda birneshe mınýt demalyńyz. Túbine baryp otyrǵyńyz keletin aǵashty tańdańyz. Aǵashqa jaqyndańyz da ony dińinen qushaqtańyz. Onyń qýattylyǵyn sezinińiz, ondaǵy ómir qýatyn sezinýge jáne uǵynýǵa tyrysyńyz. Endi onyń dińine arqańyzdy súıep otyryńyz. Kózińizdi jumyńyz, tereń tynys alyńyz jáne qorshaǵan aınalanyń jym - jyrt tynyshtyǵyna kóńil bólińiz. (Osy jerde muǵalim 1 - 2 mınýt úzilis jasaýyna bolady).
Tabıǵat netken ǵajap, ony qalaısha súıetinimiz ben qadirleıtinimizdi, birde bir tiri jándikke zıan tıgizbes úshin qamqorlyq jasaýdy túsinemiz. Sizdiń óz aǵashyńyz bar ekenin jáne kez kelgen ýaqytta oǵan kele alatynyńyzdy este ustańyz. Al qazir mektepke qaıtýǵa daıyndalyńyz. Ornyńyzdan turyp, aınalaǵa taǵy bir kóz qyryn salyńyz. Kelgen jolyńyzben keri qaıtyńyz, jolyńyzdaǵy jándikterdi basyp ketpeńiz. Mine, mekteptiń aldyna da keldik, taza aýany tereń jutyńyz, esikti ashyp, óz ornyńyzǵa qaıtyp kelińiz. Osy jym - jyrttyq, tynyshtyq, qanaǵat sezimin ózińizde saqtańyz. Kózińizdi ashyp, kúlimsireńiz!

• Balalar tynyshtyq sáti unady ma sizderge?
• Tynyshtyqqa kele aldyńyzdar ma?

• Balalar qazir 1 - 2 - ge tizbekteı sanap, 2 topqa bólineıik.
• Oryndaryńa otyryńdar, sabaǵymyzdy jalǵastyraıyq.

3. Úı tapsyrmasyn tekserý.
43 - 46 better aralyǵyndaǵy M. Maǵaýınniń «Bir atanyń balalary» / M. Maǵaýın/
povestinen úzindi oqý. 2 - 3 oqýshydan mazmunyn suraımyn.
• Áńgimeniń basty maǵynasy, máni nede?
• Shyǵarmany oqyǵanda qandaı sezimde boldyńyzdar?
• Senderdiń oılaryńsha Ahmet atanyń boıyndaǵy eń basty qasıet ne?
• Zıgfrıdtiń endigi ómiri qandaı bolady dep oılaısyńdar?
Qorytyndy: balalar baıqaǵanymyzdaı, bul áńgimeden qazaq halqynyń bar ulttyń ókilderin bólip jarmaı, baýyryna basyp baýyrmaldylyq, keńpeıildilik tanytqanyn kórýge bolady.

- Bul oqıǵa qaı kezde bolǵan?
- Shyǵarmadaǵy basty keıipker Ahmet atanyń
boıynan qandaı qasıet baıqadyńdar?
- Shyǵarmany oqyǵanda qandaı sezimde boldyńdar?
- Zıgfrıdtiń endigi ómiri qandaı bolady dep oılaısyńdar?

Taqyryby men ıdeıasyn ashý
Ahmet sózi: - Nemis dep, orys, qazaq dep bólý paıǵambarǵa shet, qudaıǵa kúná,- dedi Ahań. – Aldymen tıanaqsyz kók aspan, sodan soń turlaýsyz qara jer jaratyldy. Aspandaǵy aýa qoıylyp, bultqa aınaldy.

Mektep: «Áýezov atyndaǵy orta mektebi» KMM
Muǵalim: Mazybaeva B. Q.