InfoHub Logo

Almatyda Nursultan Nazarbaevtyń «Bolashaqqa baǵdar: rýhanı jańǵyrý» maqalasyn taldaýǵa arnalǵan qala aktıviniń jıynynda megapolıs basshysy Baýyrjan Baıbek qazaq tiliniń latyn álipbıin jasaýǵa almatylyq ǵalymdar men zertteýshilerdi úles qosýǵa shaqyrdy.

«Kún saıyn qarqyndy damyp jatqan zamanaýı tehnologıa, komýnıkasıa jáne ınovasıanyń tehnıkalyq tilin jedel meńgerýde latyn álipbıiniń róli aıryqsha bolmaq. Bul baǵytta Elbasy 2025 jylǵa qaraı baspa isin tolyq latyn álipbıine kóshirýdi usynady. Ol úshin el Úkimetine qazaq tilin latyn álipbıine kóshirýdiń naqty kestesin ázirleýdi, jyl sońyna deıin qazaq álipbıiniń jańa grafıkadaǵy biryńǵaı standartty nusqasyn qabyldaýdy tapsyrdy. Bul iske til biliminiń basy-qasynda júrgen almatylyq ǵalymdar, qalamyzda ornalasqan ǵylymı zertteý ınstıtýttary men kásibı zertteý ortalyqtary bir jaǵadan bas, bir jeńnen qol shyǵara otyryp, at salysady dep senemin», - degen qala ákimi bolashaqta bul isti birinshi bolyp almatylyq zıaly qaýym men qala jastary qoldap shyǵatynyn aıtty. 

«Praktıkalyq, odan keıin ıdeologıalyq mánge ıe osy bastamany eń aldymen Almatynyń zıaly ortasy men jastary qyzý qoldaıtyny sózsiz. Táýelsizdiktiń alǵashqy jyldary elde memlekettik tildi biletinderdiń sany 40 paıyz desek, búginderi ol 80 paıyzǵa jetti. Almaty qalasynda bul kórsetkish kezinde nebári 20 paıyz bolǵanyn sizder jaqsy bilesizder. 1991 jyly qalada nebári 18 ǵana, onyń ózinde, qazaqsha-oryssha aralas tárbıe beretin memlekettik balabaqsha bolsa, búgin onyń sany 157-ge jetti. Mektep sany da 7-den 65-ke deıin artty, ondaǵy bala sany 11 myńnan 104 myńǵa deıin ósti», -dedi Baýyrjan Baıbek.

---