InfoHub Logo

Taqyryby: «Bereri mol altyn kúz»
Maqsaty: Osyndaı saıysty ótkize otyryp, oqýshylardyń dúnıetanymyn keńeıtý.
Ózin qorshaǵan ortaǵa degen súıispenshiligin arttyrý, tabıǵatty súıýge, aıalaýǵa, molshylyq aıy kúzdi baǵalaýǵa tárbıeleý.

Kórnekiligi: sýretter, túrli - tústi sharlar, naqyl sózder

Sabaqtyń barysy:
İ. Uıymdastyrý kezeńi:
a) Saıysqa qatysýshylardy retpen turǵyzý, tanystyrý.
á) Ádilqazylardy tanystyrý
Balǵyndardyń ónerlerin kórińder,
Oı saraptan ádil baǵa berińder.
Boılarynda tunyp turǵan óner,
Ónerine qane qulaq túrińder.

İİ. Kirispe bólim
Japyraǵy aǵashtardyń sarǵaısa,
Ushyp ketse alystarǵa qus bitken.
Jańbyr jaýyp aspan eger túnerse,
Bul mezgildiń aty onda kúz eken.

Qıqýlasqan qustarda,
Saıraýynan qalady.
Jyly jaqqa yǵysyp,
Ushyp ketip barady.
Jomart kúzdiń bizderge,
Bererin alyp qalaıyń.
Kúzgi keshte sizderge,
Kóterińki kóńil - kúı sılasyn!

İİİ: Negizgi bólim
1. Saıys taqyrybyn, maqsatyn tanystyrý.
2. Saıys bólimderi
1 - synyptar úshin
1. Mánerlep óleń oqý
2. Sýret salý (jemis - jıdekter)
3. Óz ónerin kórsetý

2 - synyptar úshin
1. Mánerlep óleń oqý
2. «Kúz syry» taqyrybynda sýret salý
3. Óz ónerin kórsetý

İ bólim: Mánerlep oqý
Sary ala kóılegin jelbiretip,
Japyraǵyn aǵashtardyń seldiretip.
Toıǵa bólep elimizdi kúz keldi,
Nur tamshysyn aspannyń móldiretip deı otyryp, ortaǵa kúz týraly jyrlarymen saıysqa qatysýshylarymyzdy shaqyramyz.

İİ bólim: Jumbaq sheship kóreıik, jaýabyn durys bereıik.
1) Baqshadan jer qazyp,
Jıyp aldym jez qazyq. (Sábiz)

2) Doptar jatyr jelisi bar,
Qabat - qabat terisi bar. (Oramjapyraq)

3) Tigip alyp kók shatyr,
Qyzyl kúrek dop jatyr. (Qyzylsha)

4) Judyryqtaı qyzyl shar,
Tildi úıirgen shyryn bal. (Alma)

Olaı bolsa
Túrli - tústi qalam ap,
Jemis - jıdek salaıyq.
Kúzgi dala beınesin,
Sýretpen eske alaıyq deı otyra 1synyptar jemis - jıdek, 2 synyptar kúzdi beıneleý.

İİİ bólim: «Ónerliniń órisi keń» degendeı
1. Kip-kishkene bóbekter,
Bı bıleıdi dóńgelep.
Bıshi qyzdar ortańda,
Aınalyp shyr kóbelek.
Bı ónerin kórsetedi 1 synyptar --------------------------

2. Áýeletip ánge salsa,
Ánshi baldar ortada.
Qoshemetpen qol soǵyńdar
Jıylǵan mynaý barshańda deı ortaǵa 2 synyp oqýshylary ánderimen

İÚ Qorytyndy
Boılaryńda ot bar eken baıqadym,
Júrekterde shoq bar eken baıqadym.
Árqashanda osy shoqty óshirmeı,
Jalyndatyp, sharyqtańdar, árdaıym.

Yrysymyz nesibemiz mol bolsyn,
Kúzgi baqta japyraqtar jaınasyn.
Mynaý beıbitshilik zamanda,
Búldirshinder kúlim qaǵyp oınasyn.
Kúz jaqsylyqtarǵa toly bolyp, molshylyqqa kenele bereıik.
Ádilqazylar alqasy jeńgen toptardy maqtaý qaǵazdarymen marapattaıdy.