InfoHub Logo

Qyzylorda OPD EQQİQB tarapynan jarıalanǵan saıysyna

Sarsenbaevtar otbasynan

Otbasy - ár bir adam úshin qundy, qasıeti oryn. Berik otbasy degende oıymyzǵa jigerli áke men ónegeli ana, tárbıeli balalar túsedi. Ár otbasy baqytty, berik bolýǵa tıis. Qazaqta «Otan otbasynan bastalady» degen ataly sóz bar. Iaǵnı Otanymyzdyń mereıli, berik bolýy úshin otbasymyz birlik pen yntymaqtyń, izgilik pen jylýdyń, mahabbat pen tazalyqtyń mekeni de aınalýy tıis. Tipti qazaq halqy uǵymynda «qara shańyraq» sózi de beker aıtylmasa kerek. Qara shańyraq – bir áýlettiń taraǵan túp tamyry. Ony syılaý – Otanyn syılaýdyń alǵashqy baspaldaǵy ispettes.

Búgingi qoǵam qarbalas ómirdiń jeteginde júrip, otbasy qundylyqtaryna asa kóńil bólmeıtin jaǵdaılar kezdesip jatady. Otbasynda ata-ana qarym-qatynasynyń durys bolmaýynan, bala tárbıesine kóp nazar aýdarmaýynan  «sútteı uıyp otyrǵan» otbasynyń shyrqy bir mezette–aq buzylady.

Árıne eshbir ata-ana óziniń otbasynyń shyrqy buzylǵanyn qalamaıdy. Ata-ana balam úshin dep kúndiz-túni eńbektenip, arqa eti arsha, borbaı eti borsha bop, taban et, mańdaı terimen eńbek etedi. Qatarynan qalmasyn dep, eń jumsaǵy men táttisin jesin dep betinen qaqpaı ósiredi. Tańerteńnen qara keshke deıin balasynyń tárbıesine ýaqyt bóle almaǵan ata-ana balalaryn ýysynan shyǵaryp alady.  Jastaıynan «Áı deıtin áje, qoı deıtin qoja joqtyǵyna» ábden masattanyp, ózin erkindikte sezinip kelgen bala jasóspirim shaǵynda  túrli nárselerge urynyp jatady. Osylaısha, berik otbasy oırany shyǵyp jatady. Eń ókinishtisi – jasóspirim balalardyń esirktige áýestigi paıda bolyp, teris jolǵa túsedi.

Esirtki qoldaný nemese satý, sekildi nárselerge jolaýǵa bolmaıdy. Qazirgi tańda,  teledıdardan  estıtin jańalyqtarda esirtki qylmysymen quryqtalǵan qylmyskerler týraly aqparattar kóp aıtylyp jatady. Nashaqor adam ózdiginen jumys istep, adal jolmen aqsha tappaıdy.  Qarajatty  urlyqpen nemese zorlyq-zombylyqpen  tabady. Mine osydan qylmystyq áreketter oryn alady.

Jalpy aıtqanda, esirtkige úırený óte tez jáne ońaı, ony paıdalanǵan saıyn áýestigiń arta beredi. Nashaqor  - esirtkisiz ómir súre almaıtyn jaǵdaıǵa jetedi. Bir shyrmalaǵan jannyń onan qutylýy ońaıǵa soqpaıdy. Ómirińdi mándi de sándi etý úshin eń aldymen ózińe — óziń berik bolý kerek.  Adam densaýlyǵyna zıanyn tıgizetin jat ádetterden aýlaq bolǵany jón.  Temeki tartý, spırttik ishimdikterge áýestik - esirtkilik zattarǵa salynýǵa ıtermeleıdi.

Bizdiń otbasymyzda zıandy nárselerge jolamaý kerektigi únemi aıtylyp otyrady. Tipti adam densaýlyǵyna zıandy taǵamdardan da bas tartamyz. Joldasym da, ózim de zıandy nárselerge jolamaımyz. Balalarymyzǵa da únemi zıandy zattarǵa jolamaý kerektigin aıtyp, túsindirip otyramyz. Biz baqytty, deni saý, berik otbasyn qoldaımyz. Árbir otbasy salaýatty ómir saltyn ustana bilý kerek. Sport - ómirge senimdi kózben qaraýǵa úıretedi.  Barlyq adam sportpen aınalysyp, jaman ádetterden arylsa, onda bul ómirdegi eń jaqsy izgi isterdiń biri bolar edi.

---