InfoHub Logo

Sabaqtyń taqyryby: Beıorganıkalyq qosylystar klastaryn qaıtalaý.
Sabaqtyń maqsaty:
Bilimdilik: Oqýshylardyń taraý boıynsha alǵan bilimderin tekserý, pysyqtaý, tıanaqtaý.
Damytýshylyq: Oqýshylardyń tanymdyq belsendilikterin arttyrý, baǵyt - baǵdar bere otyryp, ózdikterinen jumys jasaı bilýge úıretý, hımıa daǵdysyn nyǵaıtý.
Tárbıelik: Hımıa uǵymynyń sabaqtastyǵyn qalyptastyrý, eńbekke baýlý.
Sabaqtyń túri: saıahat sabaq.
Sabaqtyń ádisi: suraq - jaýap, esepteý, oıyn, jumbaq sheshý.
Pánaralyq baılanys: ádebıet, matematıka.
Kórnekiligi: prezentasıa, perıodtyq júıe.

Sabaqtyń barysy:
I. Uıymdastyrý kezeńi:(oqýshylardy túgeldeý, topqa bólý)
II. Negizgi bólimi:
1. Oksıdter aýyly
2. Negizder aýyly
3. Qyshqyldar aýyly
4. Tuzdar aýyly
5. «Bilimińdi synap kór!»(esep)
6. «Sergitý sáti»(jumbaqty sheshý)
7. Semantıkalyq karta(sáıkesterin tabý)
8. «Shytyrman»- sózjumbaq
9. «Kim kóp biledi?»- test
İİİ. Qorytyndy.

II. Negizgi bólim.
1.«Oksıdter»eline saıahat
1. Oksıdter degenimiz ne?- eki elementten quralyp, biri ottek bolyp keletin kúrdeli zattar.
2. Oksıdter qalaı jikteledi?- negizdik, ekidaıly, qyshqyldyq.
3. Janý reaksıasy degenimiz ne?- reaksıa kezinde jylý bólinip, jaryq shyǵady,
ondaı reaksıalardy janý reaksıasy dep ataıdy.
4. Totyǵý reaksıasy degenimiz ne?- zattardyń ottekpen árekettesýi.
5. Shóldegende shól qandyratyn oksıd?- sý (N2O)
6. Oksıdterdiń agregattyq kúıi?

2.«Negizder»eline saıahat
1. Negizder degenimiz ne?- quramyna bir nemese birneshe gıdroksotoptarmen qatar metal atomy kiretin kúrdeli zattar.
2. Negizder qalaı jikteledi?- sýda erıtin jáne sýda erimeıtin.
3. Beıtaraptaný reaksıasy degenimiz ne?- tuz jáne sý túze júretin qyshqyl men negiz arasyndaǵy reaksıa.

3.«Qyshqyldar» eline saıahat.
1. Qyshqyldar degenimiz ne?- quramynda metal atomdarymen oryn aýystyrýǵa beıim sýtek atomdarynan jáne qyshqyl qaldyqtarynan turatyn kúrdeli zattar.
2. Qyshqyldar qalaı jikteledi?- ottekti, otteksiz
3. Metaldardyń elekrt hımıalyq kerneý qataryn kim ashty?- N. N. Beketov.
4. Qyshqyldar metaldarmen árekettesip, nátıjesinde tuz+sýtek=túziledi.
5. Indıkator degenimiz ne?- qyshqyl eritindilerde túsin ózgertetin zattardy aıtamyz.
6. Qyshqyl men siltilermen jumys istegen kezde qandaı erejeler saqtaý kerek?- belgisiz qyshqyldyń dámin kórýge bolmaıdy, ol aýyz qýysyn, tamaqty kúıdirýi múmkin.

4.«Tuzdar eline»saıahat.
1. Tuzdar degenimiz ne?- metal atomdarynan jáne qyshqyl qaldyqtarynan turatyn kúrdeli zattar.
2. Olardyń jiktelýi?- orta, qyshqyldyq, negizdik,

5.«Bilimińdi synap kór!»(esepter shyǵarý )
Taǵy keldi synalar shaq aınalyp,
Tereńine bilim teńiz baılanyp,
Kim sheshedi sol saıysta utyp tur.
Esep shesher kezegide kelip tur.
1. 200g 5% kúkirt qyshqylyn 160g 4% kalıı gıdroksıdimen árekettestirgende túziletin tuzdyń massasyn esepte.
2. 245g bertolle tuzyn termıalyq ydyratqanda túziletin ottektiń kólemi (q. j.).
3. Massasy 84g Sa(ON) 2 beıtaraptaý úshin 85%- dyq, tyǵyzdyǵy 1, 46g/ml azot qyshqylynan qansha (ml) qajet?
4. Massasy 7, 4g Sa(ON) 2 beıtaraptaý úshin qansha mol azot qyshqyly qajet?

6.«Sergitý sáti»(jumbaqtardy sheshý)
Syrlarym bar hımıkke bolǵan aıan,
Taba alsam syrlarymdy etem baıan,

Jumbaqtar
1. Shydasań da altyn assyz múlde,
Shydaý qıyn bul zatsyz eki kúnge.(sý)
2. Sý betinde bezektep,
Metal natrıı júzedi.
Eń sońynda joq bolyp,
Qandaı qosylys túzedi?(NaOH)
3. Ol bolmasa asyńnyń dámi kirmes,
Kim bar eken ortada ony bilmes?(NaCI - as tuzy)
4. Synyptan shyqpaıdy,
Tımeseń juqpaıdy,
Járdeminsiz bul zattyń,
Oqýshy sabaq uqpaıdy.(V - bor)
5. Tynysym, yrysym,
Ol joq jerde,
Joıylmaq júrisim.(ottek)
6. Ósimdikten alamyn,
Ómirime nár qylamyn,
Boıyma ol sińgen soń,
Syrtqa ony shyǵaramyn,(SO - kómirqyshqyl gazy)

7. Semantıkalyq karta (sáıkesin tabý)
Ǵajaıyp nárse hımıa,
Tuńǵıyq syry ár alýan,
Joǵalyp bir zat zym-zıa,
Jańaryp biri jaralǵan.
Oksıdter - K2O, MgO
Qyshqyldar - HCI, H3PO4, HF, H2CO3
Negizder - Ba(OH), NaOH
Tuzdar - KNO3, CaCO3

8.«Shytyrman»(elementterdiń attaryn atap, sózjumbaq sheshý)
Ǵalymdar izdep jańalyq,
Element ashty san alyp,
Olardyń bárin bilemiz,
Tur kestede qamalyp.

9. « Kim kóp biledi?»
Test (qorytyndylaý)
Hımıany oqý paryz árkimge,
Oqıdy ony barlyq elde, ár tilde.
Hımıanyń oqıyq ár bólimin,
Kezdeser ol aldymyzdan ár kúnde.

III. Qorytyndy:
Bilim degen bıik shyń,
Baqytqa seni jetkizer,
Bilim degen aqylshyń,
Qıyndyqtan ótkizer.