InfoHub Logo

Ár adamnyń kúndelikti tirshiligine erekshe ózgeris engize qoımaǵan qoǵamnan ketip, jańa ǵasyr óz ómirimizde jańa bir dáýirdiń bastalǵanyn moıyndatýda. Kókjıegimizde kórinip turǵan nurly bolashaǵymyzǵa jetý joldarynyń jaqsy nyshandary búgingi qoǵam tirshiliginiń ártúrli salalarynan kórinis tabýda. Bilim-toqtaýsyz, tolassyz úrdis. HHİ ǵasyr bilimin adamnyń qyzyǵýshylyqtarynyń damýy, onyń óziniń damýy dep túsiný lázim. Bul-ár adamnyń ózin-ózi jasampazdyqpen qaıta qura alýy, qoǵamdyq talaptar turǵysynan ózine synı baǵa bere alýy, aınalany ózgertýge qatysa alýy. Bilim arqyly adamnyń ıntellektýaldyq, rýhanı kúshi artyp, tulǵalylyǵy qalyptasady.

Qazirgi bilim júıesiniń basty kemshiligi onyń bilim jıyntyǵyn berýge baǵyttalǵandyǵynda ǵana emes, sol bilim mazmunynyń shashyrańqy, qazirgi órkenıettiń ózgermeli sıpatyna, ǵylymı jańalyqtarǵa, tez jetildirip óndiriske enip jatqan jańa tehnologıalarǵa sáıkes der kezinde jańaryp, jetilip, beıimdelip otyrýǵa qabiletsiz, konservatıvti, ortalyqtandyrylǵan, jabyq jáne shekteýli túrde bolýynda dep esepteımin. Onyń ústine, sońǵy on bes jyldyń kóleminde mektepterdiń oqý-materıaldyq, kadrlyq bazasynyń moraldyq ta, materıaldyq ta jaǵynan barynsha eskirip, quldyrap ketýi bilim sapasyna orasan zor zıanyn tıgizgeni belgili.Búgingi tańda bilim berý salasynda ártúrli sıpattaǵy jáne baǵyttaǵy «ınovasıalar» engizilýde. Azdy-kópti memlekettik reformalar júrgizilip, oqytý ádisteri men tehnologıalaryna jańalyqtar kirýde.

Bilim berý salasyna engen jańalyqtarǵa myna ózgeristerdi jatqyzamyz: Oqý-tárbıe mekemeleriniń jańashyl basqarylýyn;
bilimniń qoǵamdaǵy orny, jáne sol júıeni qarjylandyrý deńgeıin; tárbıe jáne bilim júıesi qurylymyn; bilim berý mazmunyn, ıaǵnı oqý josparlaryndaǵy jáne baǵdarlamalaryndaǵy ózgeristerdi; mekteptiń ishki uıymdastyrýshylyq áreketterin aıtýǵa bolady.

Kýbasheva Ásel Erbolatqyzy H.Dosmuhamedov atyndaǵy Atyraý ýnıversıtetiniń 3 kýrs stýdenti

---