InfoHub Logo

Sabaqtyń taqyryby: Bilim kózi – kitapta.
Sabaqtyń maqsaty: Bilimniń kilti kitap arqyly beriletinin uǵyndyrý. Kitaptyń
adam ómirindegi mańyzdylyǵyn uǵyndyra otyryp, oqýshylardyń kitapqa degen qyzyǵýshylyǵyn arttyrý. Kitapty uqypty, taza ustaýǵa baýlý.

Sabaqtyń kórnekiligi: kitap sýreti, qanatty sózder jazylǵan plakat,
«Bizdiń kitaphana» - atty kitaptar kórmesi.
Sabaqtyń júrisi: Uıymdastyrý
Negizgi bólim
Ánuran oryndalady

Kirispe: Taqyrypty habarlap, maqsatyn aıtý.
Armysyzdar, qurmetti qonaqtar men oqýshylar! 3 «D» synybynda «Kitap bizdiń dosymyz» atty tárbıe saǵatyna qosh keldińizder!
Kitap bilimimizdi molaıtady, kitaptan kóp ónege, tárbıe alamyz. Ony oqı otyryp adamnyń ishki rýhanı jan dúnıesi artady. Aınaladaǵy ómirmen, tabıǵatpen adamnyń eńbegimen, qurby – qurdastarymen tanysady. Adamnyń jaqsy bolýyna, jaqsylyq is isteýine, qulshyndyratyn qural – bul kitap.
«Bilim kilti - kitapta» degen tárbıe saǵatyn A. Baıtursynuly atamyzdyń kitap týraly jazǵan óleńi men bastaǵaly turmyn.

Balalar, bul jol basy danalyqqa,
Kelińder, oqyp, baıqap qaralyq ta
Bul jolmen bara jatqan ózińdeı kóp,
Solardy kóre tura qalalyq pa?
Danalyq – óshpes jaryq, ketpes baılyq,
Júrińder, izdep taýyp alalyqta!

1 – júrgizýshi: Armysyzdar qurmetti qonaqtar men oqýshylar. Búgingi «Bilim kilti - kitapta» atty tárbıe saǵatyna qosh keldińizder!
Kitap ta alma aǵashy
Jemisin bizder teretin
Tátti almaǵa balashy,
Kitabyńnyń ár betin, –
dep Muzafar atamyz jyrlaǵandaı, ádebı kitaptar men oqýlyqtar, bilim kózi, rýhanı qazynamyz eken.
2 – júrgizýshi: Balalar onda ortamyzǵa kitapty shaqyraıyq.
Kitap: Bárekeldi, myń rahmet, Muzafar atamyzǵa, balalar men sál keshigip qaldym, keshirińizder. Men sizderge úlken qýanyshpen keldim jáne dos bolyp qaıtatynyma senemin.
2 – júrgizýshi: Qosh keldińiz, qymbatty dosymyz kitap, joǵary shyǵyńyz.
Kóp áńgimem, óleńim,
Kúnde aqyl beremin.
Jaqsy kórse meni kim,
Men de ony jaqsy kóremin.
Bul ne balalar? – Kitap
Olaı bolsa, áńgimemizdiń ózi kitap bolmaq, kim biledi balalar «kitap» degen sóz qaıdan shyqqan, qandaı maǵyna beredi?

1 – oqýshy: Kitap – arab sózi «jazba», al túrikshe «dápter» degen uǵymdy bildiredi. Merzimdi baspa sóz basylymy degen sóz rýhanı qazyna, baılyq, ómir aınasy, zaman syry, tarıh shejiresi oqý tárbıe quraly. Alǵashqy kitap jazý qupıasyn tek dinbasylar men monahtar ǵana bilgen.
2 – oqýshy: Sondyqtan dúnıe júzindegi tuńǵysh kitaptar Evreı elinde «Taýrat», Qytaı elinde «Konfýsıı», parsy tilinde «Avesta», Arab tilinde «Quran» shyqqan.
1 – júrgizýshi: Kitap atadan qalǵan asyl mura, kóneniń kózi, eskiniń sózi. Ol máńgilikke sapar shekken asyl eskertkish. Zamanymyzdyń zańǵar jazýshysy Muhtar Áýezov sózimen aıtqanda « Ár adamnyń ómirlik dosy». Budan 41 jyl buryn, ıaǵnı 72 - jyl IýNESKO - nyń sheshimimen halyqaralyq kitap jyly dep atalsa, 1995 jyl 23 - sáýir kitap kúni dep jarıalandy. Mine sodan beri bul kún Reseı, Germanıa, Amerıkada joǵary deńgeıde atap ótiledi. Osy kitaptyń shyǵý tarıhy týraly ne bilemiz?
3 – oqýshy: Kitapty jasaý úshin adam kóp eńbek etedi. Aldymen ormannan aǵash kesedi, ony fabrıkaǵa aparady. Fabrıka ol aǵashty qaǵaz qylyp shyǵarady. Sodan keıin oǵan avtorlar jazady, sýret salady. Baspahana jazýlar men sýretterdi kitap etip shyǵarady.
4 – oqýshy: Kitap jasqa da, kárige de qajet. Kitap bizdiń dúnıetanymymyzdy keńeıtip, rýhanı jan dúnıemizdi oıatyp ertegi, áńgimeler syr shertken seniń aqylshyń.
5 – oqýshy: Qazaq kitap baspasy Reseıge qosylǵan soń qalyptasty. Tuńǵysh kitaptar 1800 jyly shyǵaryla bastady.
6 – oqýshy: Alǵashqy kitap shyǵarý isi qolmen atqarylǵan, adamdar kitap basatyn, árip teretin mashınalardy oılap tapty. Qazirgi kezde kitap basý mehanıkalandyrylǵan.