InfoHub Logo

Áleýmettik jelilerde jańa jyldan bastap pedagogterdiń eńbekaqysy qysqaratyny týraly jalǵan aqparat tarady. Bilim jáne ǵylym mınıstrligi bul habardy joqqa shyǵardy.

«Áleýmettik jelilerde jańa jyldan bastap pedagogterdiń eńbekaqysy qysqaratyny týraly jalǵan aqparat tarady. Habarlamada eńbekaqynyń 25% óskenine qaramastan, jańartylǵan baǵdarlama boıynsha sabaq bergeni úshin 30% teń qosymsha tólemder alynyp tastalatyny aıtylǵan. Demek, muǵalimderdiń tabysy 5% tómendeıdi. Bul - jalǵan aqparat. Jańartylǵan bilim berý mazmuny úshin qosymsha aqy burynǵydaı tólenedi. Sonymen qatar, kelesi jyldyń qańtar aıynan bastap Memleket basshysy Q.Toqaevtyń tapsyrmasy boıynsha pedagogtardyń eńbekaqysy taǵy 25% kóteriletinin eske salamyz. Aıta keteıin, 2020 jyly pedagogtardyń eńbekaqysy 25%, 2021 jyly taǵy 25% ósti. Budan bólek, Prezıdenttiń qoldaýynyń arqasynda, biliktilik sanaty úshin qosymsha aqy 30-50% deıin ulǵaıtyldy» dep jazdy Facebook paraqshasynda vedomstvonyń baspasóz hatshysy Móldir Ábdýalıeva.

Onyń aıtýynsha, muǵalimderge dápter tekserý jáne synyp jetekshiligi úshin ústemeaqyny eki esege arttyrylǵanyn, sondaı-aq tálimgerlik úshin qosymsha aqy tóleý syndy jańa sanat paıda bolǵan.

«El Prezıdentiniń tapsyrmasy boıynsha Bilim jáne ǵylym mınıstrligi pedagogtardyń eńbegin yntalandyrý maqsatynda júıeli jumys júrgizýde. Barlyq sharalar bilim berý uıymdaryn bilikti kadrlarmen qamtamasyz etýge baǵyttalǵan. Pedagogıkalyq baǵyttar boıynsha oqytýdyń tartymdylyǵyn arttyrý úshin osy mamandyqtar boıynsha bilim alyp júrgen stýdentterdiń shákirtaqysy bıyl qyrkúıek aıynan bastap 42 myń teńgege deıin kóterildi. Jelide taraǵan qaýesetterge seńbeńizder» dep eskertedi mınıstrlik ókili.

---