InfoHub Logo

QR Bilim jáne ǵylym mınıstrliginiń buıryǵymen Respýblıkanyń mektepterinde úı tapsyrmasyn uıymdastyrý jáne oryndaý jónindegi ádistemelik nusqaýlyqtar bekitildi, dep habarlaıdy vedomstvonyń baspasóz qyzmeti.

2017 jylǵy 24 sáýirde QR Bilim jáne ǵylym mınıstri E.K. Saǵadıev № 182 buıryǵymen respýblıkanyń mektepterinde úı tapsyrmasyn uıymdastyrý jáne oryndaý jónindegi ádistemelik nusqaýlyqtardy bekitti. Bul usynystardyń negizin "Aqparattyq-taldaý ortalyǵy" AQ ótken jylǵy sáýirden jeltoqsanǵa deıin iske asyrylǵan jobasynyń nátıjeleri qurady.

QR BǴM Mektepke deıingi jáne orta bilim departamentiniń dırektory J.A.Jontaeva, basqarma basshysy T.J.Jakenova, bas sarapshylar A.A.Kemalova jáne B.A.Qabatovalardyń jetekshiligimen jarty jyl boıy usynystar vedimistik baǵynysty uıymdarmen, óńirlerdiń mektepterimen jan-jaqty talqylaýdan jáne resmı veb-saıttar arqyly daýys berýden ótti.

Qazaqstandyq mektepterdiń tarıhynda alǵash ret beıindi vedimistik deńgeıde elimizdiń oqýshylarynyń úı tapsyrmasyn mólsherleý ádistemesin qamtıtyn qujat qabyldandy. Biz Ádistemelik nusqaýlar oqýshylardyń oqý júktemesin tómendetetin, olardyń ózdik jumysqa yntasyn jáne jalpy alǵanda úlgerim sapasyn arttyratyn áreketti qural bolady dep úmittenemiz.

---