InfoHub Logo

Bilim – adam ómiriniń ajyramas bir bóligi. Tehnologıanyń qarqyndy damýyna qaraı álem boıynsha dástúrli oqytý formasy jıi ózgeristerge ushyrady. Eldegi pandemıalyq jaǵdaıǵa baılanysty karantındik rejım onlaın oqytý júıesimen tabystyrdy. Onlaın kezinde de oqytýdyń effektıvtiligine nazar aýdaryldy. Qashyqtan oqytý muǵalimderge jańa daǵdylardy ıgerýge, kásibı damýǵa múmkindik berdi. 

Búginde qosymsha bilim alǵysy keletin jandardyń sany artyp jatyr. Oǵan basty sebep – ádettegi oqýdyń onlaın júıege aýysýy. Buǵan deıin de qosymsha bilim alý úshin repetıtor izdep sandalǵan oqýshylardyń qarasy az boldy deı almaımyz. Biraq suranystyń óskeni belgili. Statısıkaǵa súıensek bes oqýshynyń bireýi repetıtordyń kómegin qajet etedi eken. 

Daryn Tutor platformasynyń negizgi maqsaty – joǵaryda aıtylǵan máseleni sheshý. Iaǵnı úzdik ustazdardy bilikti repetıtor retinde tanytyp, qoǵamdy sapaly bilimmen qamtamasyz etý. Qazirgi tańda platformaǵa tirkelgen myńǵa jýyq ustaz óziniń biletinimen bólisýge daıyn. Repetıtor retinde tek qana kásibı muǵalimder ǵana emes, bilimdi stýdent jastar da tirkele alady. Odan bólek ustaz oqýshynyń bilim sapasyn arttyryp ǵana qoımaı, ózi de qosymsha tabys tabady.  

Daryn Tutor arqyly jalpy bilim baǵdarlamasyna, qosymsha sabaqtarǵa, UBT-ǵa, elimizdegi túrli zıatkerlik mektepterdiń emtıhanyna, olımpıadalarǵa daıyndyq júrgizýge bolady. Onymen qosa, repetıtorlar tiziminde dombyra, gıtara syndy túrli aspapta oınaýdy úıretetin, sóıleý mánerine, teatr ónerine baýlıtyndar da kezdesedi. Bylaısha aıtqanda, qaı arnaǵa jaqynsyz, qaı iske tolyq tóselgensiz – sonymen tabys tabýǵa barlyq múmkindik jasalǵan. Siz jáı ǵana tirkelip, óz anketańyzdy qaldyrsańyz jetkilikti. Qapy qalmaı, bilim salasyn jańa arnaǵa túsireıik.