InfoHub Logo

Taqyryby: «Ustazdarǵa myń alǵys»
Maqsaty:
1. 1 Ustazdar kúnine arnaǵan merekeni nasıhattaý
1. 2 Óz oılaryn jetkize bilýge baýlý, taqpaq, óleńderdi mánerlep oqytý arqyly este saqtaý qabiletterin damytý.
Kórnekilik: sharlar, jalaýshalar, sýretter.
«Mektep - bilim tiregi, ustaz - onyń júregi»
Aldyn ala oryndalatyn jumys: Ashyq hattar daıyndaý.
Ánuran oınatylady.
Jylýlyq sheńberi: Balalar sheńberge turyp
Qaıyrly tań altyn kún, Qaıyrly tań jer ana
Qaıyrly tań dostarym, Senderdi kórsem qýanam!
Qýanamyn mende, qýanasyń sende,
Qýanaıyq dostarym, araılap atqan kúnge.
Búgingi kúnimiz sátti ótsin! - dep
jylýlyq sheńberin jasaıdy.
Toptan ortaǵa jaryp shyǵyp

Álıjan: Kel, balalar,
Án salaıyq
Ulaǵatty Ustazdar kúnin
Qýanyshpan qarsy alaıyq

Aıda: Balalardyń baqshasynda búgin toı,
Ustazdardyń kúni búgin bilip qoı.
Tárbıeshi: Durys aıtasyńdar balalar, mine búgin «Aq bota» shaǵyn ortalyǵynyń «Bal bala» tobynda Ustazdar kúnine arnaǵan quttyqtaý keshimizdi bastaıyq. Ustazdarǵa tól merekelerińiz qutty bolsyn, kóńilderińiz ashyq aspan sıaqty taza bolsyn, Búgingi el basqarǵan azamattar, bilim alǵan sizderdiń arqańyzda.

Arman: Taqpaq aıtyp, kezektesip, bir birlep
Kel qosylyp án shyrqaıyq bı bılep
Qaraqat: Qashanda elgezek,
Ustazdar sıaqty.
Ósemin men de ójet
Bala bop uıatty.

Eskendir: Boldy kezim maqtaǵan
Boldy kezim uqpaǵan
Boldy kezim ustazdyń
Oıynan dál shyqpaǵan.
Tárbıeshi: balalar ónerlerińe tántimiz. Osy ustaz degen - kimderge sabaq bergen. Ánshige de, jyrshyǵa da, júgizýshige de, prezıdentke de, bıshige de sabaq bergen. Árbir maman ıesi osy Uly ustazdyń aldynan ótken. Qane taǵy qandaı ónerleriń bar.
Bı Qara jorǵa

Abdýrahman: Ustazdardyń anasy
Balalardyń panasy
Ustazdardy súıemiz
Ádeppen bas ıemiz.
Nárlen: balalar apaıymyz bizge ne úıretti aıtyp bereıik.
Hormen: Bala bala balamyz
Baqshamyzǵa baramyz
Kúni boıy qyzyqqa
Batamyzda qalamyz.

Sanamaq
Kel sanaıyq sanamaq,
Saýsaqtardy daıarlap.
Bas barmaǵym alǵashqy,
Balan úırek jalǵasy.
Ortan terek kezekshi,
Shyldyr shúmek kómekshi.
Shynashaǵam balapan,
Bárine ortaq alaqan

Arýjan: Halqym jetsin muratqa,
Ustazdardy ardaqta
Tárbıe jolyn bastaǵyn,
Ustaz degen asqaq án.
Aıym: Adal jaqsy nıetpen
Bar ustazǵa baq tilep
Jaryp shyqqan júrekti
Sózdiń bári aq tilek.
Bilimniń bulaǵy

Ardaqty muǵalim,
Bilimniń – bulaǵym.
Taýsylmas sen jaıly,
Tasqyndy jyr ánim.

Qanatym talmaıdy,
Qıalym samǵaıdy.
Aqyn da, ǵalym da,
Ustazsyz bolmaıdy.

Mereke kúnińmen,
Quttyqtap búgin men.
Oıyma oı qosam,
Sen bergen bilimmen.

Qortyndy:
Balalar búgingi kún – qandaı mereke eken?
Ustazdar kimge sabaq bergen?

Baldyrǵannyń kórip shattyq júzinen.
Meıirimmen shapaǵym bop tizilgen
Keshe ǵana mende shákirt bolyp em,
Kelem búgin ustazdardyń izimen – deı kele sóz kezegin ustazdarǵa bereıik.

Aqmola oblysy, Qosshy aýyly
Ybyraıqyzy Ryskúl