InfoHub Logo

VMG kompanıasy Ózbekstan elinde bilim berýdiń pılottyq jobasyn bastaǵanyn qýana habarlaımyz. Aıta keteıik, sıfrlyq resýrstardy bilim berý júıesine engizýdiń úzdik nátıjesine súıengen Ózbekstannyń Halyqqa bilim berý Mınıstrligi bizdiń kompanıamyzǵa usynys jasaǵan edi.

Jobanyń maqsaty — eki el arasynda tájirıbe almasý jáne aqparattyq komýnıkasıalyq tehnologıalardy bilim berý júıesine engizý. Osylaısha BMG kompanıasy tek Qazaqstanda ǵana emes, shet elderde de bilim berý júıesin ońtaılandyryp, zamanǵa saı ınovasıalyq tehnologıalardy qoldaný arqyly bilim berýdi sapaly, ári qoljetimdi etýdi qolǵa alyp otyr.  

Bilimniń qadirin túsinetin jáne bilim berýde tehnologıanyń pármenine senetin entýzıast-mamandardan quralǵan bilikti mamandar komandasy búgingi tańda kórshi elge mańyzdy mısıamen attandy. Pılottyq jobany iske asyrýdyń aldynda Ózbekstannyń Halyqqa bilim berý mınıstrliginiń ókilderi bilim berý resýrstary jaıynda ustazdardan tikeleı pikir alý úshin arnaıy Almaty qalasyna kelip, BMG kompanıasy ádiskerler men birneshe mektepke arnap ótkizgen sheberlik sabaqtaryna qatysqan edi.   

Baýyrlas Ózbekstan elindegi atqarylatyn aýqymdy jumys barysynda ustazdarǵa da, oqýshylarǵa da aqparattyq-kommýnıkasıalyq tehnologıalardy qoldanýdyń tıimdiligin kórsetý kózdelgen.  

Atap aıtqanda, oqýshy úshin:

1. Sabaqqa degen yntasyn arttyrý;

2. Tanymdyq qyzyǵýshylyqty arttyrý;

3. Aqparattyq jáne kommýnıkatıvtik bilimdi qalyptastyrý;

4. Tanym-túsinigin keńeıtý. 

Ustaz úshin:

1. Sabaq barysynda ýaqytty únemdeý;

2. Materıaldardy jan-jaqty taldaý;

3. Yntalandyrýdy arttyrý;

4. Aýdıo jáne vıdeo úlgidegi mýltımedıalyq materıaldardy bir ýaqytta qoldana alý.  

Jobanyń alǵa qoıǵan maqsaty aıqyn. Birinshi kezekte ustazdar men oqýshylardyń yntasyn arttyrý, bilim berýdi derbestendirý. Bilimland komandasy bilim berýdiń jańa formalary men ádisterin júzege asyryp, jańa pedagogıkalyq ádistemelerdi qoldanýdaǵy halyqaralyq tájirıbelerge den qoıady.  

Jobany júzege asyrý barysynda Ózbekstannyń 10 mektebi kompanıanyń jeke qarjysyna BilimLand, iTest, Twig-Bilim, iMektep resýrstary júktelgen derbes kompúter, proektor jáne ınteraktıvti taqtalarmen jabdyqtalmaq.  

Uıymdastyrýshylardyń jobaǵa artqan úmiti orasan zor. Sebebi BilimLand ınteraktıvti bilim berý platformasynda 45 000-nan astam sabaq bar. Sonymen qatar, orys jáne aǵylshyn tilindegi sabaqtarmen qosa, mátindik, vıdeo jáne aýdıomaterıaldar, ınteraktıvti tapsyrmalar men testiler, sımýlátorlar men jattyqtyrǵyshtar bilim berýdi sapaly etip qana qoımaı, muǵalim men oqýshyǵa da oqý barysyn aıtarlyqtaı jeńildetedi degen senim mol.  

Aıta keterligi, bizdiń elektrondy resýrstarymyzǵa elimizdiń 7 000-nan astam mektebi, JOO, kolej ben balabaqsha qosylǵan. Al jeke qoldanýshylar sany búgingi tańda 1 mıllıonnan asyp jyǵylady. Bul statısıkalyq málimetter BMG kompanıasynyń resýrstary qoldanýshylarynyń sanyn ǵana kórsetpeı, sózsiz, ári qaraı sapaly kontent daıarlaýǵa, ony damytý men ońtaılandyrýǵa jigerlendiredi. Sebebi bilim alý — san qıly áreket túrin qamtıtyn asa kúrdeli, ári úzdiksiz proses. Oǵan qatysatyn ár adamnyń óz qabileti, óz yrǵaǵy men talǵamy bar. Al bilim berý salasynyń qazirgi maqsaty — memleket pen qoǵamnyń, sonymen qatar jeke tulǵanyń eń ózekti qajettilikterin qamtyp, básekelestikke qabiletti tulǵa men suranysqa ıe bolatyn maman daıyndaý. Bilim berý salasynda qyzmet etý — asqan jaýapkershilikti talap etetini anyq. Sondyqtan artylǵan jaýapkershiliktiń salmaǵyn sezine otyryp, kompanıa ujymy Ózbekstan eliniń bilim berý júıesine jańa serpin beremiz degen nıette. Joba tek bilim berý salasynda ǵana kórinis berip qana qoımaı, Qazaqstan men kórshiles Ózbekstan arasyndaǵy baýyrlastyq baılanysty bekem etedi degen senim mol.

bilimland.kz

---