InfoHub Logo

Túnde esikti jabý, velosıpedterdi shynjyrlaý nemese aýlada oınap júretin balalar úshin alańdaýdyń qajeti joq bolǵany tamasha ǵoı. Bul jaǵynan alǵanda Jer sharyndaǵy eń qaýipsiz oryn Farer araldary bolyp tabylatyn sıaqty. 

Mundaı málimdemeni túrmelerdegi bas bostandyǵynan aıyrylǵandardyń sanyna qarap jasaýǵa bolady. Qazirgi tańda Farer araldarynyń túrmesinde alty adam otyr. Ol elde 100 myń adamǵa shaqqanda 12 adam jazasyn ótep jatyr. Mysaly, Qazaqstanda 168, Reseıde 375, AQSH-da 655 adam.  (Málimetter prisonstudies.org)

Farer araldary — bul Danıa koróldiginiń derbes oblysy. Olar Atlant muhıtynda shamamen Shotlandıa men Islandıanyń arasynda jatyr. 1948 jyldan beri bul oblys ishki máseleleriniń barlyǵyna derligin ózi sheshedi. Danıa tek Farer araldarynyń ádilet máseleleri, polısıa, qorǵanys jáne valúta máselelerine ǵana jaýapty.  

Bul araldarda 48 myńnan sál astam adam turady. Oǵan qosa olar keremet kórikti jerde turady dep nyq aıtýǵa bolady. Onda túrli sarqyramalar men jasyl jaılaýlar bar, al aınalasy muhıt. Ol jerde tamasha tolqyndar bolyp turady, ıaǵnı sýyqqa tózimdi sórferler shartaraptan oqtyn-oqtyn tolqyndy baǵyndyrýǵa kelip turady. Farer araldary — mindetti túrde baryp qaıtý kerek taǵy bir jer. Ol jerdiń tabıǵaty tamasha ǵana emes, sondaı-aq onda qylmys joqtyń qasy. Olaı bolýy zańdy da, araldarda turatyndar sany az, onda árbir adam — tanysynyń tanysy nemese tipti týysy bolyp shyǵady.

---