InfoHub Logo

Bir aı boıy kúnine 100 ret jerden kóterilińiz (plankada turyp, shyntaqty búgip-jazý arqyly keýdeni kóterip-túsirý jattyǵýy). Osydan keıin deneńizde qandaı ózgerister bolatynyn kóresiz.  

Júz ret jerden kóterilý jattyǵý zalynyń áserin berip, kúshti arttyrýǵa jáne bulshyqet massasyn ulǵaıtýǵa qaýqarly.  

Buzzfeed-tiń bas redaktory Sem Straıker (Sam Stryker) fıtnes-synaqtan ótip, bir aı boıy kúnine júz retten jerden kóterilip jattyqqan birneshe áriptesiniń vıdeosyn kórip, shabyttanypty.   

Sem fızıkalyq jaı-kúıi táp-táýir bolatyn: ol jarystarǵa qatysyp júrgen sýda júzýshi jáne haýyzda aptasyna 4–6 retten jattyǵyp turady. Alaıda, jas ulǵaıǵan saıyn fızıkalyq kúıdi ustap turýǵa kóp kúsh pen qyrýar qarajat ketedi: jattyǵý zalyna alatyn abonement, jeke bapker nemese fıtnes-kýrstar.   

Jattyǵý zalyna barýǵa qaraǵanda jerden kóterilý jatyǵýy tegin jáne kóp ýaqytty qajet etpeıdi. Sem jerden kóterilip jattyǵý sportzalda jattyqqandaı bola alatynyn, kúshin arttyryp jáne bulshyqet massasyn ulǵaıta alatynyn tekserip kórýge bel býdy.

Durys tehnıka

Sem fıtnes-synaqty bastamaı turyp, sertıfıkaty bar bapker Astrıd Sýonmen (Astrid Swan) keńesip, onyń aıtqan birneshe aqylyn tyńdady:

1. Jańa bastap jatqandardyń basty qateligi — arqa men keýdedegi bulshyqetterdiń bolbyrlyǵy. Jerden qolmen ıterip kóterilip jatqan kezińizde deneńizdiń bulshyqetteri plankada turǵandaǵydaı qatty bolýy tıis.  

2. Ár jattyqqanda 10 ret jerden kóterilip, jattyǵýdy 10 ret qaıtalaýdan bastańyz — osynyń ózi jetkilikti. 

3. Eger budan artyq isteı alsańyz, ár jattyǵýdaǵy jerden kóterilýdi 15-20 retke deıin qaıtalap isteýińizge bolady, al, eger de, bulshyqetterińiz aýyrsynsa, 5 ret qana qaıtalaǵanyńyz durys.  

4. Eger 100 ret jerden kóterilýge shamańyz jetpeıtindeı kórinse, 20 ret kóterilýden bastańyz. Onyń ústine, tolyqqandy isteı alatyn bolǵansha, jerden kóterilýdi tizeńiz arqyly oryndaı berseńiz bolady.

5. Jattyǵý men ózińizdiń deneńizdiń túısigine kóńil bólińiz. Eger aýyrsyný sezimi paıda bolsa, jattyǵýdy shuǵyl toqtatyńyz. 

6. Durys tehnıkanyń mańyzy óte zor. Eger sizdiń jattyǵýlaryńyzdyń jerden kóterilýmen uqsastyǵy shamaly bolsa, ýaqytyńyzdy bosqa sarp etpeńiz: tehnıkadaǵy ketken qatelik jaraqat aldyrýy múmkin.  

7. Jerden kóterilip jattyǵý ýaqytynyń da mańyzy bar. Eger siz «boztorǵaı» bolsańyz jáne tańerteń ózińizdi jaqsy sezinseńiz jerden kóterilýlerdiń kóbin túske deıin, ál-qýatyńyz ketpeı turǵanda, istep tastaýǵa tyrysyńyz.  

^{Foto: buzzfeed.com}

Synaqty aıaqtaýǵa ne kedergi bolady

Fıtnes-synaq shamamen ortasyna taıaǵan kezde Sem jerden kóterilýlerdi tańerteń azyryq jasap, olardy keıinge qaldyra beretin boldy. Keı kúnderi ol, keshki astan soń, jerden kóterilýlerdiń jartysyn da istemegenin biraq bilip júrdi. Jalpy alǵanda onyń motıvasıasy quldyraı bastady jáne ózin qınap jalǵastyra berý úshin kóp kúsh jumsaý qajet boldy.

Sizge synaqty aıaǵyna deıin jetkizýge ne kedergi etýi múmkin:  

1. Bulshyqetterdiń aýyrsynýy. Eger deneńizge túsetin bundaı kúshke ádettenbegen bolsańyz, bulshyqetterińiz aýyrady jáne de alǵashqy kúnderi ǵana emes, kóbirek ýaqyt aýyryp júredi.  

2. Kesh batqan, sharshap, erik-jigerińizdiń qory sarqylǵan kezde jerden kóterilý jattyǵýyn ózińizge jasatý qıynǵa soǵady. 

3. Synaqtan ótýge shamańyz jetip, kúshtirek jáne jaqsyraq bolyp kele jatqan sezimi salǵan jerden kele qalmaıdy. Ondaı sezim paıda bolýy úshin eki aptadan asa ýaqyt ketýi múmkin.  

^{Foto: buzzfeed.com}

Shydaı turýǵa ne kómektesedi

Semniń, qıyndyqtarǵa qaramamastan, jerden kóterilý jattyǵýlaryn istemegen bir kúni de bolǵan joq. Synaq barysynda Sem shydaýǵa septigin tıgizetin birneshe jaqsy nárseni oılap tapty:

1. Júlde beriletin kishigirim kvestter. Ár jattyǵý saıyn ózińizdi marapttap turyńyz: 10 ret jerden kóterilý — shokolad jeýińe ruqsat, taǵy

10 ret isteseń — serıalyńdy kór. 

2. Telefonǵa eskesalar ornatý. Ár saǵatqa «10 ret jasa», «Jattyq», «Jerden kóteril, jaraı ma?» degen sıaqty eskesalarlar ornatyp qoıyńyz. Osylaı isteseńiz, ózińizdiń fıtnes-synaǵyńyzdy umytyp ketpeısiz jáne 100 rettik kóterilýdi keshke qaldyrmaısyz. 

3. Jattyǵýdy kez kelgen jerde jasaı berý. Kúndiz siz sportzalda, úıde, jumysta júrip jerden kóterile alasyz. Bas kezinde áriptesterińizdiń kózinshe jerden kóterilýdi isteý yńǵaısyzdaý bolýy múmkin, biraq artynan olar buǵan úırenip ketedi de, sizge báribir bolyp ketedi. 

4. Áleýmettik jelilerge posttar jarıalaý. Sem óziniń synaǵy beınelengen sýretteri men vıdeolaryn áleýmettik jelilerge salyp, dostary men tanymaıtyn kisilerden kóptegen habarlamalar alyp otyrdy. Onyń istegeni kóp adamǵa ózin synaýǵa shabyt berip, bir aı boıy jerden kóterilý jattyǵýlaryn jasap kórýge talpyndyrdy. Óz synaǵyńyzdan jurtty habardar etip otyryńyz: ár pozıtıvti komentarı sizdi toqtap qalmaýǵa yntalandyrady.   

^{Foto: buzzfeed.com}

Bul synaqtan sizdiń alaryńyz ne

Sem fıtnes-synaqtyń nátıjelerin tek úshinshi aptanyń sońyna qaraı baıqaı bastady. Bulshyqetteri áli aýyryp júrdi, biraq ol ózin kúshtirek ári kelbetti sezine bastady. Buǵan qosa onyń júzýdegi nátıjeleri jaqsaryp shyǵa keldi.  

Sizdiń synaqtan ótý arqyly qol jetkizetin artyqshylyqtaryńyz:  

1. Bulshyqet massasy ulǵaıady. Keýde, ıyq, ish jáne arqa bulshyqetteri jetiledi. 

2. Sporttaǵy, ásirese ol sportta qolyńyz belsendi túrde paıdalanylatyn bolsa, nátıjelerińiz jaqsarady. Mysaly, júzý, kúsh qoldanylatyn jattyǵýlar. 

3. Ózińizge degen senimińiz artady. Eger 30 kúndik synaqqa tóze alsańyz, ózińiz úshin maqtanysh sezimi paıda bolatyny anyq.   

Qazirgi zamanda bári jyldam keletin nátıjelerge úırenip aldy jáne artyqshylyqtardy lezde sezingisi keledi, alaıda, bul synaqqa ýaqyt kerek.  

Bir orynda toqtap turyp qalmańyz, sonda sońyna qaraı ózińizdi alpamystaı sezinesiz.  

Oqýǵa keńes beremiz:

Nege denege kúsh túsirgende bulshyq etter aýyrady?

30 jastan keıin sportpen qalaı aınalysýǵa bolady

Nege adamdar 40 jastan asqan soń tolyp ketedi

Bulshyq et ósiretin dárýmender

---