InfoHub Logo

Qaıyrymdylyq jasasań,

Qaıyryn óziń kóresiń, — deıdi qazaq xalqy. Qaıyrymdylyq-adamzat boıyndaǵy erekshe bir qasıet bolyp sanalady. Qaıyrymdylyq izgiliktiń, adamnyń adamǵa degen taza nıetin, adamgershilik qarym-qatynasyn kórsetetin adamdardyń bir-birine degen súıispenshiligi men kómegi.

Qazirgi tańda elimizde túrli is-sharalar men aksıalar, qaıyrymdylyq qorlary arqyly qol ushyn sozatyn izgi jandar kóbeıip keledi. Qaıyrymdylyq jasaýǵa memleket tarapynan da kóp kóńil bólinip otyr. Jaqsylyq jasaıtyn jandar árqashan jáne árkezde tabylady. Osy oraıda Ál-Farabı atyndaǵy Qazaq Ulttyq Ýnıversıtetiniń "Kómek" Qoǵamdyq Qorynyń eriktileri jaqsylyq jasaýdan esh aıanbaǵan. Qazirgi kezde árbir adam jyly sózge, meıirimge muqtaj, ózgelerdiń kómegine zárý. Sondyqtan da "Kómek" Qoǵamdyq Qorynyń eriktileri ba­lalar úıimen barynsha baılanys jasaýdy uıǵarǵan. Ár juma saıyn ýnıversıtettiń júrekteri meıirimge toly stý­dentteri balalar úıine baryp, túrli taqyrypta áńgimeler, qosymsha sabaqtar, konsertter ótkizedi.

Ál-Farabı atyndaǵy Qazaq ulttyq ýnıversıteti — Qazaqstannyń jetekshi klasıkalyq ýnıversıteti mártebesine ıe Qazaqstan bilimi men ǵylymynyń iri ortalyǵy, joǵary kásibı, joǵary oqý ornynan keıingi bilim men ǵylymnyń ınovasıalyq damýynyń ulttyq kóshbasshysy. Ýnıver­sıtet ujymy stýdentterge sapaly bilim berýmen qatar, olardyń tulǵa retinde qalyptasýyna zor mán be­redi. Al osyndaı kóshbasy stýdentterdiń qalaı bilim alatynyn, qoǵamdyq jumysqa qalaı aralasa­tynyn kózben kórgen balalar úıiniń jetkinshekteri keleshekte el qamyn kúıtteıtin, qaıyrymdy bo­lýǵa barynsha tyrysatyn ulaǵatty urpaq bolyp er jeteri daýsyz.

Jaqsylyq jasaý — ımandylyqtyń, tárbıeliliktiń, parasattylyqtyń aıqyn kórinisi. «Ne berseń de balaǵa ber, bala úshin jasa» — degen halqymyzdyń ıgi dástúri qazirgi kezde qaıyrymdylyq qoǵamdarynyń is-tájirıbelerimen jalǵastyrylyp keledi.

Esekeeva Aınash Akımsalovna Ál-Farabı atyndaǵy Qazaq Ulttyq Ýnıversıtetindegi Quqyq fakúltetiniń aǵa oqytýshysy

---