InfoHub Logo

Bir jas jigitti qurbylary mazaqtap únemi «Esek» dep ataıy eken. «Esek» degen atqa ol renjip, burqan-tarqan ashýlanyp, qurby-qurdastaryna narazy bolyp júredi eken. Biraq kóp aýzyna qaqpaq bola almaıdy. Jurt ony «Esek» deýin qoımaıdy. Áıel de, bala da «Esek» deı bergen soń ábden zyqysy shyǵyp, jany kúıgen jas jigit jaıylyp júrgen jalǵyz eshkisin soıady da, barlyq jora-joldastaryn shaqyryp, etke toıǵyzady. Quman ákep, qol jýarda: «Endi senderden ótinishim osy dastarqan ústinde budan bylaı meni «Esek» dep aıtpaýǵa batalaryńdy berińder», — dep tilek qypty.

Jora-joldasy ári oılanyp, beri oılanyp, endi budan bylaı «Esek» demeıik, «Qodyq» deıik depti. Qonaqtar tarqaǵan soń, bir jaqyn qurdasyna kelip:

— Endi jurt meni «esek» emes, «qodyq» deıtin boldy. «Esek» degennen «qodyq» áldeqaıda sypaıy emes pe? — deıdi. Sonda qurdasy:

— Qazir qodyq bolǵanmen, bir-eki jyldan keıin báribir esek bolmaısyń ba? — depti.

 

---