InfoHub Logo

Baıaǵyda bir kempir bolypty. Ol jasaýly úıde jalǵyz turady eken. Urylar jalǵyz kempirdiń jıhazyna qyzyǵyp kúnde ańdyp kelip, tynyshtyq bermepti.

Bir kúni ymyrt jabylsa, qarańǵy úıde kempir qannen-qapersiz tegenedegi kójesin sapyryp iship otyrady. Osy kezde syrttan tasyr-tusyr dybys bilinedi. Jabyqtan syǵalasa urylar úıdi qorshap alypty. Sanasa segiz eken.

Sonda kempir daýystap kelinine aıtqan bolyp, bylaı deıdi:

— Sapyryp-sapyryp Sabyrbaıǵa ber,
Óziń iship, maǵan ber.
Tórdegi tórteýge,
Esiktegi ekeýge de ber...

Sóıtip kempir urylarǵa jalǵyz emestigin, úıde toǵyz jan bar ekenin bildiredi. Biraq tas júrek urylar odan da seskene qoımapty.

Sonda kempir qattyraq daýystap:
— Sıyr keldi mataıyq,
Uıqy keldi jataıyq.
Urylar segiz, biz toǵyz
Al, urylardy ataıyq!.. —

dep legendi qańǵyrlatqanda, urylar qasha jónelipti.

---