InfoHub Logo

Bir qus atyp alsa, on qus atyp aldym, — dep quryqqa syryq jalǵap, jel sózdi sýdaı sapyryp júrgen bir ańshy áńgime ústinde qyza-qyza kelip:

— Bir kúni jolym bolyp bir taýdyń qoınynan qyryq túlki atyp aldym, — depti. Ańshynyń ótirikti kózdi jumyp sylqytyp jibergenin ańǵaryp qalǵan bir qurdasy:

— Qoı, ol qyryq emes, jıyrma-aq túlki edi ǵoı, — depti kúlimsirep.

— Iá, ol jıyrma bolsa jıyrma shyǵar, — dep salypty ańshy baıqaýsyzda bas tarta almaı.

— Jıyrma emes, on-aq túlki edi ǵoı, — depti syrminez qurbysynyń taǵy bireýi myrs etip kúlip.

Sonda sóz yńǵaıyn baıqaǵan ańshy:

— On saýsaqtaı on edi,
On túlkiniń terisi
Bir ishikke mol edi,
Alyp kelgen men edi,
Kórip turǵan sen edi.
Kýási bar adamdy
Qaı uıatsyz jeńedi?! — degen eken.

---