Emhanada bar edi bir kelinshek,
Emdelýge, asqa da bir kelýshi ek.
Erli-zaıyp adamdar dep qalatyn,
Erteli-kesh ekeýmiz birge júrsek.
Kóleńkesiz kóńildi jatqa burmaı,
Sóılestik asyp-tasyp aqtarylmaı.
Áserli qarapaıym áńgimemiz,
Jazysqan ǵashyqtardyń hattaryndaı.
Syrlastyq adam jaıly, zaman jaıly,
Ómir jaıly, jaqsy men jaman jaıly.
Jasyramyz birimiz-birimizden,
Áńgimemiz árige bara almaıdy.
...Iesi kelip bir kún alyp ketti,
Baıqaımyn, bir kelinshek nalyp ketti.
Saýyǵyp qalǵandaı em saıasynda,
Syr ketti, syrmen birge jaryq ketti.
Aıyqtyra qoımady beker úmit,
Jazylatyn jaıym joq jeke júrip.
Tórt búktelip tósekte jatyp qaldym,
Qanym meniń qaıtadan kóterilip.

---