InfoHub Logo

"Jambyl oblysy Turar Rysqulov aýdany ákimdiginiń ishki saıasat bólimi" komýnaldyq  memlekettik mekemesi men «Jambyl oblysy «Qazaqstan stýdentteriniń Alánsy» jastar qoǵamdyq birlestiginiń uıymdastyrýymen «Qoǵamda sybaılas jemqorlyqqa qarsy mádenıetti qalyptastyrý («T.Rysqulov – adaldyq alańy» jobasyn qoldaý» áleýmettik jobasynyń aıasynda Turar Rysqulov aýdanynda "Bir para – eki qylmysker" atty túsindirý kezdesýleri ótkizildi. 

Shara barysynda qatysýshylarǵa jalpy sybaılas jemqorlyq týraly jáne onyń keltirer zardaby týraly tolyq aqparattar aıtyldy. Kezdesýge «Jambyl oblysy «Qazaqstan stýdentteriniń Alánsy» JQB tóraǵasy – Mýratbaev Kanybek Jarylqasynuly jáne «Turar Rysqulov – adaldyq alańy» jobalyq ofısiniń jetekshisi Qýanyshbaı Máýlen Esengalıuly qatysty. Sybaılas jemqorlyqpen kúresý úshin halyqtyń quqyqtyq saýatsyzdyǵyn joıatyn, quqyqty túsindirý jumysynyń deńgeıi men sapasyn arttyrý kerektiginiń mańyzy zor. Turǵyndar nemese qyzmetkerler ózderiniń quqyqtaryn, ózderine qarsy qandaı da bir quqyqqa qaıshy is-áreket jasalǵan jaǵdaıda qandaı is-qımyl qoldaný kerektiginiń naqty joldaryn tolyq bilýleri qajet ekendigi jaıly, Konstıtýsıalyq tártipti qorǵaý, sybaılas jemqorlyqpen kúres aıasynda tıimdi, biryńǵaı jalpy memlekettik saıasat júrgizý, memleket pen azamattardyń ómir súrýiniń barlyq salalarynda sybaılas jemqorlyq pen onyń kórinisteri deńgeıin tómendetý, qoǵamnyń memleketke jáne onyń ınstıtýttaryna senimin nyǵaıtý búgingi kúndegi basty maqsat bolyp tabylatyndyǵy atap ótildi.

Sharaǵa aýyldyq ákimshilik qyzmetkerleri, mamandar, kitaphana qyzmetkerleri, mektep muǵalimderi men jas mamandar qatysty.

---