InfoHub Logo

Dastarhanyńyzda árqashan jańa pisken kókónis bolsyn deseńiz, tómendegi ádis-tásilderdi paıdalanyńyz. Bilim-all.kz mysalǵa keltirgen 8 kókónisti árdaıym qaıta-qaıta ósire alasyz.

Kók pıaz

Kishkentaı staqanǵa sý quıyp, kók pıazdy túbimen salyp qoısańyz ol qaıta ósip shyǵady. Ósetin bólme jaryq bolýy kerek.

Sarymsaq

Sarymsaq staqan sýda jaqsy ósedi. Sarymsaq búrshikteriniń dámi óte jaǵymdy, olardy salattar men soýstarǵa qosýǵa bolady.

Bok-choı (qytaı qyryqqabaty)

Jaryq jaqsy túsetin bólmege ósimdiktiń tamyryn sýǵa salyp qoıyńyz. Ony sol jerde 1-2 apta boıy ustańyz, osydan keıin qyryqqabatty qumyraǵa otyrǵyzýǵa bolady. Ol sonda tolyqqandy ósip-ónedi.

Sábiz

Sábizdiń kesilip alynǵan basy sýda jaqsy ósedi. Olar salatqa qosýǵa bolatyn kók shóp retinde paıdalanylady.

Nasybaıgúl (Bazılık)

Nasybaıgúldiń 3-4 sm bolatyn kishkentaı ósindilerin kún jaqsy túsetin jerge, staqan sýǵa salyp qoıyńyz. Olar eki ese bolyp óskende topyraqqa otyrǵyzýǵa bolady. Nasybaıgúl qaıta jaıqalyp, ósip shyǵady.

Baldyrkók (Seldereı)

Baldyrkóktiń túbin kesip alyp, jyly sýǵa salyp, kúnniń kózine qoıyp qoıyńyz. Japyraqtary túbiniń ortasynan óse bastaıdy, keıin ony topyraqqa otyrǵyzýǵa bolady.

Romen-salat

Eger ósimdikti jartysyna deıin sýǵa batyryp, birneshe kún ustaıtyn bolsa salat qaıta tiriledi. Osydan keıin jańa japyraqtar ósip shyǵady jáne ósimdikti qaıta topyraqqa otyrǵyzýǵa bolady.

Kúnze (kınza)

Kúnze sýda jaqsy ósedi. Ony topyraqqa otyrǵyzǵan soń, hosh ıisti óskin jaıylyp ósip shyǵady.

Derekkóz: pulptastic.com

---