InfoHub Logo

Ósimdik ómir sáni, tabıǵat kórki, dári-dármek. Olar bólmemizdi tek ádemi etip kórik bere qoımaı, kóńil-kúıimizdi kóterip, otyrǵan ortada jaqsy atmosfera  qalyptastyrady. Olardyń keıbiri tynyshtandyra alatyn qasıetke ıe jáne uıqynyń sapasyn arttyra alady.

Bilim-all.kz uıqynyń jaıly bolýyna yqpal etetin 5 ósimdiktiń tizimin jasady.

Pálma (Areca)

Bul ósimdik aýany toksınder men kómirqyshqyl gazynan tazartady. Sonymen qatar aýaǵa ylǵal taratady, bul ásirese bólme jylytý quraldary qosylǵan kezde óte qajet. Bólmeniń aýasy qurǵaq kezde taptyrmaıtyn ósimdik.

 

Aloe (Vera)

Bul ósimdik emdik qasıetterinen ózge, aýa quramyndaǵy formaldegıd pen basqa da zıandy zattardy azaıtady. Túngi ýaqytta ottegi bóledi, ádette ózge ósimdikterge mundaı qasıet tán emes. Budan basqa, aloe bóletin fıtosıdter aǵzaǵa jaqsy áser etedi jáne ımýnıtetti kóteredi.

 

Fıkýs (Benjamina)

Aýa tazartý jaǵynan aldyńǵy qatarda turatyn ósimdik. Aýany sapasyz sıntetıkalyq jabyndylardan, lınoleým men DSP-dan bólinetin benzol, amıak, tolýol men basqa da zıandy qospalardan 70%-ǵa deıin tazartady.Ol osy qospalardy qaıta óńdeıdi, sonymen qatar mıkrobtardyń jartysyn joıady. Uıqyǵa jaqsy áser etedi jáne de jatyn bólmede ádemi kórinedi.

 

Sansevıerıa (Trifasciata)

Bul ósimdik tynys alý júıesi men ımýnıtetke jaqsy áser etedi. Eger úıde osy ósimdik turatyn bolsa, onda úıdegi adamdar aýa-raıynyń ózgerýi saldarynan bas aýrý jáne qysymnyń kenet ózgerýimen sırek aýyratyn bolady. Túnde, uıyqtap jatqan kezde, ol da ottegi bóledi jáne aýany jaǵymdy salqyn etedi.

 

Qyryqqulaq (Boston)

Qyryqqulaqtyń paıdaly qasıetteri – onyń qundy hımıalyq quramynda. Ósimdik efır maılaryna, flavonıdterge jáne basqa da zattekterge baı. Sol sebepti bul ósimdik júıke júıesiniń jumysyna jaqsy áser etedi, stresske tótep berýge kómektesedi.

---