Bir ýys tuz
Bir úıge qonaq kelip otyr eken. Báıbishe qazan kóterip, et salady. Álgi úıdiń adamdary qumyrsqadaı qybyrlap biri kirip, biri shyǵyp jatady. Qonaq qazyqtaı qaǵylyp tapjylmastan otyra beredi. Qazan qaınaǵan kezde báıbishe kelip, qazanǵa bir ýys tuz salyp ketedi. Odan keıin toqal kelip taǵy bir ýys tuz salyp, ol da shyǵyp ketedi. Eń sońynan kelini kelip, Qazannyń qaqpaǵyn ashyp kóredi de, kóbigin qalqyp tastap, bir ýys tuz salyp, ol da shyǵyp ketedi. Qonaq bulardyń barlyǵyn tańyrqap kórip, baıqap otyrady da, úı ıeleri shyǵyp ketken kezde ol da qazanǵa bir ýys tuz salyp qoıady.
Úı adamdary jınalyp asty túsirip, aldyna ala bergende, báıbishe tamaqtyń dámin tatsa, ýdaı ashshy eken.
— Ibaı-aı. Mynaǵan ne bolǵan, ýdaı ǵoı. Men bir-aq ýys tuz salyp em ǵoı! — deıdi.
— Shesheı-aý, siz salmaǵan shyǵar dep mende bir ýys tuz salǵanmyn, — deıdi toqal.
— Sizder umytqan shyǵar dep men de bir ýys tuz salyp edim, — deıdi kelini.
Sol kezde qonaq otyryp:
— Bul úıdiń kisi basy bir ýys tuz salý ádeti shyǵar dep, men de bir ýys tuz salyp edim, — depti.
You Might Also Like
-
Bir kúni Abylaı úıinde jatyp, bir tús kóripti. Sol túsin Buqarekeńe jorytqan eken. Abylaıhan túsinde qubylaǵa qaraı bara jatsa, bir bıik aspan záýlim báıterek kóredi. Mıdaı dalada sol báıterekke ba...
