InfoHub Logo

Ómirińizdegi jeńis pen jeńilisterińizdiń basty faktorlarynyń biri — tártip. Sizdiń maqsatyńyz ben armanyz nemese baılyq pen abyroıyńyz, baqytyńyz tártiptiń saqtalyp-saqtalmaýyna qatysty.

Tártip — qatty qalap júrgenińe qolyńdy jetkizý úshin istegiń kelmeı turǵanyńdy isteý.

Djon Maksvell

Nıettińiz ben armanyńyzdyń aqıqatqa aınalýy arasynda tártip tur. Ómirińizdiń nátıjesi men 5-10 jyldan soń qandaı jaǵdaıda bolatynyńyz sol tártipke baılanysty. Ózińizdi tártipke úıretýińizge ózińiz májbúrsiz, óıtkeni belgili bir jastan keıin buny eshkim istemeıdi.

Tártip — jeńilis pen túńiliske aparar ómirdegi sylbyr qozǵalystyń ornyna aǵynǵa qarsy júzip, moıymaı áreket etý qabileti. 

Kezdeısoq bolǵan sátsizdikter adamdy múmkindikten aıyratyn kezi sırek. Kóp jaǵdaıda biz synaqqa daıyn bolmaı shyǵamyz da, sol sebepti sátsizdikke ushyraımyz. Eger siz emtıhan tapsyra almasańyz nemese jumysqa alatyn kisimen suhbattasýdan óte almasańyz, bunyń sebebi — sizdiń daıyndyǵyńyzdyń jetkiliksiz bolǵandyǵynda.

Úlken sátsizdik — tártip deńgeıiniń tómendigi men óz múddeńe saı áreket ete almaýyńnan paıda bolǵan kishkentaı jeńilisterdiń jıyntyǵynyń saldary. Tártipke ıe bolmaǵan adamdar óziniń kóńil kúıi men álsizdiginiń quldary bolyp tabylady. 

Sátsizdik biz eshteńe istemeıtin kezde keledi. Biz kúnimizdi bosqa jumsap, jalqaýlyqqa boı aldyramyz jáne buny durys dep bilemiz. Bar-joǵy bir kún-aq emes pe, onda turǵan ne bar?! Alaıda osy kúnderden sizdiń ómirińiz quralady. Siz erinip, kerekti nárseni istemeıtin ár kún saıyn kishkentaı jeńiliske tap bolasyz. Bul kishkentaı jeńilister shoǵyrlana kele úlken jeńiliske jáne sátsiz ómirge aınalady.

Jetistik te dál osylaı áreket etedi. Eger siz jetkilikti túrde tártipti bolyp, kerekti nárseni isteýge ózińizdi májbúrleı alsańyz, bul jaqsy. Kishkentaı ǵana jeńisterden úlken jetistik quralady. Tártip múmkindikterdi ózine tartyp, úlken maqsattarǵa jetýge sep bolady.

Orystyń uly qolbasshysy A. Sývorov aıtqandaı: «Tártip — jeńistiń alǵashqy nyshany». Tártip sizdiń armandaryńyzǵa, qanaǵat sezimine, baılyqqa jáne ózińizge rıza bolý sezimine aparar joldy ashady. Bireýler úshin bári tártipten bastaý alady, al basqa bireýler úshin bári jalqaýlyqqa baılanysty aıaqtalady.

---