Túlki men qoıan
Bir kúni boldyryp kele jatqan túlki jortyp júrgen qoıandy kórip, ótirik aýyrǵan bolyp onyń jolyna sulaı ketipti de, qoıandy shaqyrypty.
— Qoıanjan-aý, qoıanjan, nege sonsha jorytasyń? Menen nege qorqasyń? Bala jastan birge ósken, toǵaıdyń dámin bir jesken, kórshi emes pe edik. Men aýyryp jatyrmyn, jaqynyraq kelseńshi, qoshtasaıyq, — depti.
Sonda qoıan:
— Eki qulaǵym sózińde tur, eki kózim ózińde tur. Siz etti jaqsy kóredi deıdi jurt, sol ras pa? — depti.
— Ras bolǵanda qandaı, tipti et jemesem basym aýyrady!
— Mine, osynyńyz jaman ǵoı.
— Iá, soǵan ózim de qynjylyp jatyrmyn. Keshe bir taýyq jep edim, soǵan janym ashyp jylap ta jiberdim. Óıtkeni ol da tiri júrgisi keledi ǵoı. O, shirkin, tirshilik! — depti.
Qoıan:
— Siz ony óltirmeı turyp oılap kórdińiz be? — depti.
Sonda túlki:
— Men dál sol jerin oılaýdy umytyppyn. Janyma batyp, aýyryp jatqanym da sonyń ókinishi, — deıdi.
— Umytshaq degen jaman ǵoı, men de sodan qorqamyn, sondyqtan da jorytamyn, — dep, tura jónelipti qoıan.
You Might Also Like
-
Ómirińizdegi jeńis pen jeńilisterińizdiń basty faktorlarynyń biri — tártip. Sizdiń maqsatyńyz ben armanyz nemese baılyq pen abyroıyńyz, baqytyńyz tártiptiń saqtalyp-saqtalmaýyna qatysty.
-
Ertede adam, ıt, mysyq jáne qarshyǵa tórteýi ant iship, serttesip, adal dos bolypty. Olar bir jerde jatyp, bir qazannan tamaq jep, aýyrtpalyqty birge kótermek bolypty. Sonymen bir kúni olar ań aýlaýǵ...
